سلاموطندارنینگ قویاش ۱۴۰۵ ییل کانکور سیناویده اشتراک ایتگن ۴۲ نفر بیلن صحبت نتیجهسی شونی کورستهدی کی، اولرنینگ ۳۰ نفری اوز قیزیقیشی و آنگلی قرار اساسیده، ۱۲ نفری ایسه عایلهوی یا کی اجتماعی و اقتصادی باسیم تأثیریده اوقیش یونهلیشینی تنلهگن.
اوشبو کانکور اشتراکچیلری کوپراق، طب، کمپیوتر ساینس، انجنیرلیک، اقتصاد، ژورنالیزم و ایکینچیلیک یونهلیشلرینی تنلهگن. بیراق اولرنینگ ۷ نفری ایسه قیسی بولیمده اوقیشنی انیق تنلهی آلمهگن.
قویاش ۱۴۰۵ ییل کانکور سیناویده قیزیقهدیگن یونهلیشنی تنلهگن اشتراکچیلرنینگ ایتیشلریچه، ایش بازاری همده استادلرنینگ مصلحتی اساسیده بو یونهلیشلرنی تنلهگنلر.
کانکور اشتراکچیلریدن ۱۸ یاشلی محمد مصطفی، اوز ایستهگی بیلن طب معالوجی یونهلیشینی تنلهگن شوندهی دییدی: «طب معالجوینی تنلهدیم. آدملر و جمعیت گه خذمت قیلیش اوچون بو یونهلیشنی تنلهدیم. مملکتده شفاکارلر کوپ بولسه، کسللر چیت ایلگه باریب دوالنیشگه مجبور بولمهیدی.»
اوشبو گزارش نتیجهلریگه کوره، بعضی عایلهلر بالهلرینینگ تنلاوینی قوللب-قوتلهیدی و بعضیلری ایسه اولرنینگ قیزیقیشینی انابت گه آلمسدن اوزی باشقه یونهلیشنی تنلشگه مجبور قیلهدی.
جلالالدین و محمداجمل ایکیلهسی ۱۸ یاشلی و کمپیوتر ساینس یونهلیشیده قیزیقیشهدی ایتیشلریچه، عایلهلری اوشبو یونهلیشنی تنلشده حمایت قیلگن و اوز ایستکلری بیلن تنلشگه رخصت بیرگن.
جلالالدین شوندهی دییدی: «عایلهم مینگه قیزیقهدیگن یونهلیشنی تنلش حقینی بیرگن. اولر مینی قیزیقهدیگن یونهلیشنی دوام ایتتیریش اوچون قوللب-قوتلهیدیلر.
محمداجمل هم شوندهی دییدی: «عایلهم هردایم مصلحت قیلیب قرار قبول قیلیش و اوزیم قیزیقهدیگن بولیمنی تنلشگه تأکیدلهیدی. شونینگ اوچون، نهایی قرارنی اوزیم آلهمن.»
کابللیک ۲۰ یاشلی الهامالدین سروری گه کوره، عایلهسی اونینگ قیزیقیشینی انابت گه آلمسدن طب یا کی انجنیرلیک بولیمنی تنلش گه مجبور قیلگن. او شوندهی دییدی: «مین تجار بولیشگه قیزیقهمن بیراق بو بولیمنی تنلهمسلیک سببی، عایلهم شفاکار یا کی انجنیر بولیشیمنی ایستهیدی.»
شو بیلن بیرگه، کانکور اشتراکچیلریدن محمدیعقوب کوهستانی، مصلحت قیلیب یخشی قرار قبول قیلیش کیرهک دییدی: «قیسی بولیمنی تنلش پیتیده آدم تشویش قیلیشی طبیعی. بو قیینچیلیک تجربهلی و استادلر بیلن قرار قبول قیلیشده حل بولهدی. قیسی یونهلیشنی تنلشده قیزیقیش و شخصی ایستک اساسیده قرار قبول قیلیش کیرهک.»
گزارش نتیجهلریگه کوره، اشتراکچیلرنینگ ینه تشویشلریدن بیری ایش کیلهجگی بارهسیده تشویش قیلیش دیر. اولرنینگ ایریملری، هنوزگچه انیق یونهلیشنی تنلمهگن؛ قیزیقمسلیک اوچون ایمس، بلکی فارغ بولیشدن کیین ایشسیزلیکدن قورقوو سببلی.
۱۹ یاشلی خاتم یعقوبی شوندهی دییدی: «هنوزگچه هیچ بیر بولیمنی تنلهگنیم یوق؛ چونکی کوپینچه قیینچیلیکلر بیلن روپهره من؛ مثال اوچون مصلحت اساسیده تنلمهگن کیشیلر حاضر ایشسیز.»
۲۳ یاشلی سیداحمد حسینی هم شوندهی دییدی: «حاضرگچه انیق یونهلیشنی تنلهگنیم یوق. تنلمهگنیم سببی شو کی کوپینچه آدملر تنلهگن بولیملریدن پشیمان بولگن؛ چونکی بو یونهلیش آرقهلی ایش تاپیشگه اولگورمهگن.»
گزارشده، اوشبو ییل کانکور سیناویده بالهلری اشتراک ایتهدیگن بیرقطار عایلهلر بیلن صحبت قیلینگن. اولرنینگ ایتیشلریچه، بالهلری کیلهجکده تأثیرچن و موفق بولیشی اوچون تنلاو؛ قیزیقیش، کوچ و استعداد اساسیده بولیشی کیرهک.
کانکور اشتراکچیلریدن بولمیش ۴۵ یاشلی سهیلا گه کوره، آنه صفتیده بالهسی اوزی قیزیققن یونهلیشنی تنلش اوچون مصلحت بیرگن. او شوندهی دییدی: «بالهلر اوزلری قیزیققن و اوقیشگه قوربی ییتهدیگن یونهلیشنی تنلشی کیرهک. هیچ قچان بالهم اوستیگه باشقه یونهلیشنی تنلشگه باسیم کیلتیرمهگن من. اونگه مصلحت بیرهمن بیراق نهایی قرارنی اوزی آلهدی. مین آنه صفتیده اونینگ قرارینی قوللب-قوتلهی من.»
تعلیم و تربیه بیلرمانلری هم تحصیلی بولیمنی تنلشده عایلهلر رولینی مهم دیب، اولرنینگ اوز قیزیقق یونهلیشنی تنلشگه حق بیریش، اولرنینگ موفقیتیگه سبب بولیشینی ایتهدیلر.
تعلیم و تربیه بیلرمانی جمالالدین سلیمانی شوندهی دییدی: «بولیمنی تنلش مجبوری بولسه، اونینگ قیزیقیشی کمهیب و درسلرینی یخشی اوقی آلمهیدی. بو قیزیقمسلیک نهفقط اونینگ اوسیشی بلکی فارغ بولگندن سونگ هم موفق بوله آلمسلیگیگه آلیب کیلهدی.»
بونگه قوشیمچه، نتیجهلر شونی کورستهدی کی خصوصی بیلیم یورتلر گه نسبتن دولت بیلیم یورتلر گه نسبتن قیزیقیش سیزیلرلی درجهده کوپهیگن.
کابل شهریده خصوصی بیلیم یورتلردن بیرینینگ مسئولی سیدبشیر روفی شوندهی دییدی: «دولت بیلیم یورتلریگه قیزیقیش کوپهیگن؛ هم اقتصاد نقطهی نظردن طلبهلر اوچون یخشی همده اکثریت خصوصی بیلیم یورتلر گه قرهگنده امکانیت کوپ.»
برچهسی بیلن، اوغیل اشتراکچیلر یانیده تورت ییلدن بیری کانکورده اشتراک ایته آلمهگن قیزلر هم بار. ۱۸ قیز بیلن صحبت نتیجهلری شونی کورستهدی کی، اولرنینگ برچهسی آلتینچی صنفدن یوقاری قیزلر یوزیگه مکتبلر ایشیگی یاپیلمسدن آلدین، کیلهجکده اوقیشنی دوام ایتتیریش اوچون انیق ریجهلری بولگن.
۱۱ صنف اوقووچیسی ۲۰ یاشلی ثنا و توقیزینچی صنف اوقووچیسی ۲۱ یاشلی فرزانه حسینی، اوقیشنی دوام ایتتیره آلمهگنلر ایتیشلریچه.
ثنا شوندهی دییدی: «تجارت گه عاشق ایدیم و اقتصادیات گه علیحده قیزیقردیم، تجارت قیلیب و عالی درآمد تاپیش اوچون اقتصاد فاکولتهسینی اوقیشنی ایستردیم.»
فرزانه حسینی هم شوندهی دییدی: «ژورنالیزم فاکولتهسیده اوقیشنی ایستردیم. ژورنالیست بولیشگه قیزیقر ایدیم و آدملرنینگ قیینچیلیگی بارهسیده راپور تیالشنی ایستردیم. اویلهی من کی ییتکرمه آرقهلی یشاوچیلر آوازینی ایشیتیریب و اجتماعی قیینچیلیکلر حقیده آگاهلیک بیریلهدی.»
اوشبو گزارش نتیجهلریگه کوره، مذکور قیزلرنینگ کوپینچهسی کیلهجکلریدن ناامید و تشویشده بولسه-ده، بیراق اولرنینگ بیرقطاری آنلاین تعلیم، هنر و خارجی تیللرنی اورگهنیش آرقهلی تعلیم بیلن باغلیقلرینی سقلش گه اولگورگن.
۲۰ یاشلی لیلانینگ ایتیشیچه: «برچه قیینچیلیکلر بیلن هنوز هم امیدیم بار. اویلهی من کی هیچ بیر شرایط برقرار قالمهیدی. مینینگ هنوز آرزویم بار کونی کیلیب بیلیم یورت گه باریب و اوقیشگه دوام بیرهمن. احتمال بو آرزو اوچون کوپ وقت اوتیشی ممکن، بیراق هنوز هم تعلیم انسان کیلهجگینی اوزگرتیریش گه ایشانه من.»
۲۰ یاشلی حمیده امیری گه کوره: «هنوز هم امیدیم بار کی مکتبلر و عالی درگاهلر ایشیگه آچیلیشیگه، برچه آرزو و غایهلریمیزگه ایریشهمیز. شونینگ اوچون، دوام بیرهمیز.»
شو بیلن بیرگه، امتحانلر عمومی اداره مسئوللرینینگ ایتیشیچه، بو ییلگی کانکور ثور آییده باشلندی، تورت باسقیچده بوتون ولایتلرده اوتکزیلیشی ریجهلشتیریلگن. مسئوللر گه کوره، اوشبو ییل کانکور سیناویده سواللر گه جواب قیتریش اوچون کوپراق وقت بیریلگن و چیت ایلدن کیلگن کانکور اشتراکچیلری عرب و انگلیس تیللریده سیناو اوتکزیشی ممکن.
امتحانلر عمومی اداره سوزلاوچیسی ناصرخان شیرزی شوندهی دییدی: «امتحانلر وقتی ایکی یریم ساعت ایدی، ایندی بو وقت تورت ساعتدن آشیقراق بولگن – اشتراکچیلر تینچ فکر بیلن جواب قیتریش اوچون. ایلگری دری و پشتو تیللریده امتحان آلینردی، بیراق ایندی بعضی اشتراکچیلر چیت ایلدن کیلگن، اولر قیله آلهدی عرب و انگلیس تیللریده امتحان بیرسهلر.»
امتحانلر عمومی ادارهسینینگ معلوماتلریگه کوره، سونگی ییللرده کانکور سیناویده اشتراک ایتگنلر سانی سیزیلرلی اوزگریشلر بیلن بیرگه بولگن. قویاش ۱۴۰۱ ییلده دییرلی ۱۲۵ مینگ (قیز و اوغیل) شامل کانکورده اشتراک ایتگن ایدیلر، بیراق ۱۴۰۲ ییلده قیزلرنینگ کانکور سیناویده اشتراک ایته آلمهگنی سببلی ۸۵ مینگ نفر گه کمهیدی. قویاش ۱۴۰۳ ییلده کانکور اشتراکچیلری سانی ۸۷ مینگ نفر گه ییتدی و ۱۴۰۴ ییلده ۱۰۶ مینگ نفر گه آشدی. مذکور ادارهنینگ معلوماتیگه کوره، قویاش ۱۴۰۵ ییلده دییرلی ۱۲۰ مینگ نفر کانکور سیناویده اشتراک ایتگن و بو کیتمه-کیت تورتینچی سیناو بولیب و قیزلرنینگ اشتراکسیزلیگی بیلن اوتکزیلهدی.
