امتحانلر عمومی ادارهسی، مملکت ۱۵ ولایتیده قویاش ۱۴۰۵ییل کانکور سیناوی اوتکزیلیش جریانی باشلنگنیدن خبر بیردی.
اوشبو اداره، بوگون (۲۴ ثور/۱۴ می، پنجشنبه) بیر بیانیه ترقهتیب، کانکور عمومی سیناوی بیرینچی باسقیچی میدانوردک، پروان، غزنی، کنر، بغلان، فاریاب، بادغیس، لوگر، کاپیسا، پکتیکا، هرات، سرپل، ارزگان و غور ولایتلری همده بدخشاننینگ فیضآباد، بهارک، شغنان، درواز و خواهان حوزهسیده باشلنگنینی ایتگن.
بیانیهده، اوشبو باسقیچ اشتراکچیلرینینگ بایومتریک معلوماتی ۲۲ و ۲۳ ثور ده ثبت ایتیلگنی کیلگن. امتحانلر عمومی ادارهسی، یوقاریدهگی ۱۵ ولایتده ایرته هم کانکور سیناوی اوتکزیلیشینی ایتگن.
