خلقارا قیزیل خاچ کمیتهسی، بلخ ولایتی دولتآباد تومنیده ۲۵۰ دهقان گه ایکینچیلیک جهازلری ترقهتیلگنینی معلوم قیلگن. مذکور یاردملر دهقانلرنینگ آزیق-آوقت خوفسیزلیگی، محصوللرنینگ کمراق ضایع بولیشی و تیریکچیلیک وضعیتیدن حمایت قیلیش مقصد کورسهتیلگن.
مذکور نهادنینگ بوگون (۳-جوزا/۲۴-می، یکشنبه)، اکس صحیفهسیده یازیشیچه، دهقانلرنینگ قوللب-قوتلنیشی آزیق-اوقت خوفسیزلیگی مستحکملنیشی و کوچلیراق جمعیت قوریلیشی معناسیگه بولیب و ترقهتیلگن جهازلر بوغدای اوریش دستگاهلری همده ترپالدن عبارت دیر.
قیزیل خاچنینگ اورغولشیچه، بو یاردملر دهقانلرگه حاصل ییغیب آلینگنیدن کیین محصوللر اسرافینی کمهیتیریش، ایش جریانینی فایدهلیراق قیلیش همده عایلهلری تیریکچیلیگینی سقلهب قالیشگه یاردم بیرهدی.
افغانستان یشاوچیلرینینگ بویوک قسمی ایکینچیلیک و چاروهچیلیک آرقهلی تیریکچیلیک قیلماقده، بیراق بو بولیم حاضرگچه بیر قطار قیینچیلیکلر جملهدن امکانیت کملیگی، زمانهوی جهازلر یوقلیگی و طبیعی بحرانلر برابریده جبرلنیش بیلن روپهره دیر.
خلقارا قیزیل خاچ کمیتهسی، شونینگدیک بوندن آلدین افغانستان ولایتلریدن قطاریده دهقانلرنی قوللب-قوتلش و اولرنینگ تیریکچیلیک وضعیتی یخشیلنیشی اوچون اولرگه یاردم بیرگن ایدی.
