افغانستانده دوامی بولگن ناتینچلیک، اوروش و اقتصادی وضعیت نینگ یمان‌لیگی سبب، مملکت یشاوچی‌لریدن کوپ قطاری کوپینچه مالی و جانی خطرلرنی قبول قیلیش بیلن نامنظم مهاجرلیک آرقه‌لی قوشنی مملکت‌لر و اروپا ده باره‌دیلر.
افغانستان یشاوچی‌لریدن کوپ قطاری اینقسه یاش‌لر اوزاقده بولگن منطقه‌لر و طالبان نظارتیده بولگن ساحه‌لرده تیریک‌چیلیک قیله‌دیلر، انه‌شوو سبب، نامنظم مهاجرلیک آرقه‌لی چیت‌ایللیک مملکت‌لرگه باریش اوچون سعی و حرکت قیله‌دیلر.
فیسبوک صحیفه‌میزنی تعقیب قیلینگ
امان‌الله بلخ یشاوچی‌سی دیر. او ایکی ییل آلدین اوروش و اویینی قولدن بیرگنی سبب، نامنظم مهاجرلیک آرقه‌لی بیرینچیدن ایران و اوندن سونگ ترکیه گه بارگن. امان‌الله کوپینچه قیین‌چیلیکلرنی تحمل قیلیش بیلن ترکیه‌ده ایش ایگه‌سی بولگن و ۶ آی ایش قیلگن، بیراق قانونی حجتی بولمه‌گنی سبب، ترکیه پولیسی تامانیدن قولگه آلینگن.
اونینگ نامنظم مهاجرلیک خصوصیده ایتیشیچه: «اوروش سبب، بو ییردن کیتدم. ایکی تامانلمه اوروش بولدی، اویی میزگه هاوان توشدی، اوندن سونگ، پاسپورت آلیب ایران گچه باردم. ایران دن سونگ قاچاق آرقه‌لی، ترکیه باردم، او ییرده ۶ آی ایش‌له‌دم و قیته‌دن سورگون ایتیلدم و کابل‌گه کیلدم.»
- مهاجرلیک؛ بارز: افغانستان ده قالیب و کریکت اوینه‌ش نی ایستردیم
- افغانستان‌لیک میدیا فعالی مهاجرلیکده هم میدیا ایش‌لریدن قول تارتمه‌گن
- نامنظم مهاجرلیک؛ بیر ییل جریانیده ۵۰۰ مینگ مهاجر ایران دن مملکت گه قیتیب کیلگن
- مهاجرلیک؛ مملکت گه قیتگنیدن کیین یوتوقلرگه ایریشگن ییگیت نینگ حکایه‌سی
امان‌الله نینگ ایتیشیچه، بیر مدت ترکیه‌گه ایشله‌گن و اوندن سونگ، سورگون ایتیلگن و کابل‌گه کیلگن. اونینگ ایران و ترکیه حربی‌لری نینگ ناتوغری برخوردلری خصوصیده ایتیشیچه: «ترکیه پولیسی مهاجرلرنی کورگنده اوق بیلن اوره‌دی. حاضرده برخوردلری وحشت‌لی دیر و ایران پولیسی هم انه‌شوو قسم.»
افغانستان‌لیک مهاجرلردن باشقه بیری محمدنظر بوتون قیینچلیک‌لرنی قبول قیلیش بیلن ایکی ییل ایرانده ایشله‌گن، نتیجه‌ده قانونی حجتی یوق‌لیگی سبب، ایران پولیسی تامانیدن قولگه آلینیب سورگون ایتیلگن. اونینگ ایتیشیچه، کم‌بغل‌لیک و ایش‌سیزلیک سبب، نامنظم مهاجرلیک یولی بیلن ایران گه بارگن.
محمدنظر نینگ سلام‌وطندارگه ایتیشیچه:« ناتینچلیک و کم‌بغل‌لیک سبب، ایران‌گه باریب بیر مدت ایشله‌ش گه مجبور بولدم. ایران حربی‌لری بیزلرنی اوشله‌گنیدن سونگ، سورگون ایته‌ریدیلر. انه‌شوو سبب، ایران ده کوپ قطار قیین‌چیلیکلر بیلن دوچ کیلدیک، ایران نینگ پولی ارزشی‌نی قولدن بیردی و بیز روزگاریمیزنی اوتکزه آلمس ایدیک، ایکی ییلدن سونگ، قیته‌دن افغانستان‌گه کیلدیک.»
عین‌حالده، بلخ ولایتی بوییچه مهاجرلر و باش‌پناه ایزلاوچی‌لر اداره‌سی باشلیغی سیدمسعود قادری نینگ ایتیشیچه، اوشبو اداره یاردم بیرووچی نهادلر یاردمی بیلن سورگون ایتیلگن مهاجرلرگه ایش زمینه‌سی یره‌ته‌دی.
بلخ ولایتی بوییچه مهاجرلیک اداره‌سی باشلیغی نینگ کوپه‌یتیریشیچه، افغانستان‌لیک مهاجرلر قوشنی مملکت‌لر و اروپا ده قیین‌چیلیکلر بیلن روپه‌ره بولگن صورتده، افغانستان نینگ مذکور مملکت‌لرده بولگن ایلچی‌خانه‌لریده مراجعت قیلیب قیین‌چیلیکلرینی حل قیله آله‌دیلر.
ایتیلیشیچه، افغانستان یشاوچی‌لریدن مینگ‌لرچه‌سی نامنظم مهاجرلیک آرقه‌لی چیت‌ایللیک مملکت‌لرگه بارگنلر. یشاوچی‌لردن کوپ قطاری ناتینچلیک، کم‌بغل‌لیک و ایش‌سیزلیک سبب، مملکت‌نی ترک قیلماقده‌لر.
