شهر قوریش و ییرلر وزیرلیگی اَیری مکتوب‌لرده دلاور مزاری و شیرشاه هوتک نینگ بلخ ده شهر قوریش و ییرلر ریاستی نینگ رئیسی صفتیده بیر بست گه تعیین قیلگن. جناب مزاری و هوتک ایکی سی هم قانون رئیس بولگن‌لیکلرینی ادعا قیلیشگن.
سلام‌وطندارنینگ اختیاری گه قرار تاپگن بیر سند نینگ کورستیشیچه، ییرلر اداره‌سی شهر قوریش وزیرلیگی گه مدغم بولگنیدن کیین، ملکی خدمتلر و اداره گه اصلاحات کیلتیریش ایرکین کمیسیون کمیشنرلر بوردی نینگ ایسته‌‌گی اساسیده، /TAGHIR/CBR پروسه‌سی آرقه‌لی استخدام ایتیلگن ۲۶ شهر قوریش ولایتی باشلیغی و ۶ ییرلر اداره‌سی باشلیغی ایش‌لری نینگ شباهتی باعث ولایتی شهر قوریش و ییرلر بستی گه انتقال تاپیشی کیره‌ک.
مذکور پروسه آرقه‌لی شهر قوریش ولایتی باشلیغی صفتیده استخدام ایتیلگن دلاور مزاری «حق‌لری و امتیازلری» سقله‌نیشی بیلن ۱۳۹۹- ییل تشکیلی گه بلخ ولایتیده شهر قوریش و ییرلر نینگ ولایتی باشلیغی صفتیده تعیین ایتیلگن. شهر قوریش و ییرلر وزیرلیگی مأمورلری نینگ متعلقه اجراآت سندی گه «شهر قوریش و ییرلر وزیری محمود کرزی» نینگ امضاسی موجود.
بیراق شهر قوریش و ییرلر وزیرلیگی ۱۳۸ رقملی تکلیف آرقه‌لی جمهورلیک ریاستی گه یازیشیچه، «بو وزیرلیک نینگ ۱۳۹۹- ییل تشکیلی» اساسیده شیرشاه هوتک بلخ ییرلر و شهر قوریش ریاستی باشلیغی صفتیده ۱۵۰ مینگ افغانی معاش بیلن تعیین ایتیلیش بویروغی سوره‌لگن و شونینگدیک مذکور سند نینگ آستیده هم محمود کرزی نینگ امضاسی کورینه‌دی. جمهورلیک ریاستی مذکور تکلیف گه جواب بیریب و ۱۲۰ مینگ معاش بیلن جناب هوتک نینگ منظوری سینی تأیید قیلگن.
شیرشاه هوتک نینگ ایتیشیچه، شهرقوریش و ییرلر وزیرلیگی نینگ تکلیفی و جمهوررئیس محمداشرف غنی نینگ منظوریسی اساسیده، بلخ شهر قوریش و ییرلر ریاستی نینگ رئیسی صفتیده تعیین ایتیلگن.
دلاور مزاری ملکی خدمتلر عمومی ریاستی اداره‌سیگه بیر عریضه یوباریب یازیشیچه، او شهر قوریش و ییرلر ریاستی نینگ برحال و قانونی رئیسی دیر و شیرشاه هوتک بو بست گه حقوقی ایش بیلرمان بولیشی کیره‌ک.
۱۳۹۹/۱۰/۱۰ تاریخی ده ملکی خدمتلر تامانیدن شهر قوریش وزیرلیگی گه یوباریلگن نامه گه کیلیشیچه، جناب مزاری نینگ ادعاسی توغری بولگن بیرحالده، «سرپرست تعیین ایتیلیشی قانونی گه قرشی بولیب و قانونی جوازی یوق دیر.»
حاضر شیرشاه هوتک بلخ ییرلر و شهر قوریش ریاستی نینگ چوکی‌سینی ایگه‌لگن و دلاور مزاری اونگه قرشی اعتراض بیلدیریب و بلخ ولایت بناسی برابریده تحصن خیمه‌سی قورگن.
بلخ حاکمی فرهاد عظیمی نینگ سلام‌وطندارگه ایتیشیچه، بو موضوع نی شهر قوریش و ییرلر ریاستی بیلن شریک قیلگن و بو وزیرلیک نینگ قراری بیللی بولگندن کیین مذکور کیشی‌لردن بیری بلخ شهر قوریش و ییرلر ریاستی نینگ رئیسی صفتیده تانیشتیریلیشی ممکن.
شهر قوریش و ییرلر وزیرلیگی بو قضیه حقیده حاضرگچه بیر عکس‌العمل کورستمه‌گن.
