بلخ مرکزی مزارشریف شهری ده عیاللر گه اختصاص بیریلگن ۲۰۰ دوکان‌لیک «خدیجه‌الکبرا» سوداگرلیک مرکزی آچیلگن.
اوتمیش‌ده نور اسمی گه مشهور بولگن اوشبو مارکیت نینگ دوکان‌لریدن قطاری، نیچه مدت‌دن بویان فعال ایمس ایکن که، اوتگن کون بلخ ولایتی نینگ امر بالمعروف و نهی عن‌المنکر ریاستی و بلدیه قراری اساسیده، عیاللر گه اختصاص بیریلگن.
بیزلرنینگ فیسبوک صحیفه‌میزگه باش اورینگ!
مذکور مارکیت دوکان‌دارلریدن بیری مریم، بو قرار‌دن خورسند‌لیک بیلدریب و ایتیشیچه: «بو ییرده یالغیز عیاللر نینگ فعالیت قیلیشی سبب، هیچ بیر ایرکک بو مارکیت گه کیله آلمه‌یدی و بیزلر هم بو رقم کون نی کوتیب تورگن ایدیک که، شکر بو هم افتتاح بولدی.»
شونده‌ی بیرحالده، مزارشریف بلدیه‌سی قدرت‌الله طارق، مذکور سوداگرلیک مرکز نینگ ایجاد بولیشیدن مقصد، بلخ ده عیاللر اوچون ایش زمینه‌سی یره‌تیلیش عنوان قیلگن.
اونینگ کوپه‌یتیریشیچه: «بو ییرده ایکی یوز دوکان بار و اوشبو دوکان‌لردن برچه‌سی عیاللر گه اختصاص بیریلگن که، بو ییرده فعالیت قیلیب و عایله خره‌جت‌لری نی تامین قیلسین‌لر.»
باشقه بیر تامان‌دن، بلخ ولایتی نینگ امر بالمعروف و نهی عن‌المنکر ریاستی سوزلاوچیسی نصرالله هوتک نینگ ایتیشیچه: «افغانستان اسلام امیر‌لیگی دنیا گه کورستدی که، عیاللر ایشی و سوداگرلیگی گه مخالف ایمس.»
بیزلرنینگ توییترده هم تعقیب قیلینگ!
عین حالده، سوداگر و اوشبو مارکیت‌ده‌گی دوکان‌دارلر نماینده‌سی پشتنه افغان نینگ ایتیشیچه، دوکان کرایه‌سی‌ده تخفیف بیریش و عیاللر نی بیر ییرده توپلش، اولر گه فایده‌لی بولیشی ممکن.
پشتنه افغان نینگ کوپه‌یتیریشیچه: «هر بیر دوکان نینگ کرایه‌سی آی‌ده تورت یوز الی بیش یوز دالر ایدی، بیراق حاضر ایسه ۱۲ یوز افغانی دیر، اما بوگون شاروال صاحب تورت‌یوز افغانی اعلان قیلدی. تورت یوز دالر نی تورت یوز افغانی بیلن مقایسه قیلینگ. بو رقم خذمت نی بیرته گه آته و آنه هم قیلمه‌یدی.»
عین حالده، شونینگدیک بوندن آلدین هم، مزارشریف ده رابعه بلخی عیاللر مارکیتی عیاللر اوچون فعالیتی بار ایدی و بو هم عیاللر اوچون ایجاد بولگن ایکینچی مارکیت دیر.
