بوگون (شنبه، ۲۰ حوت)، هرات ده متشبث عیاللر نینگ ایچکی تولیدلری بیش کونلیک کورگزمهسی آچیلگن. اوشبو کورگزمه تشکیلاتچیلری نینگ ایتیشلریچه، مذکور کورگزمه آچیلیشی دن اساسی مقصد عیاللر نینگ قول صناعتی گه بازار قیدیریش و سوداگر عیاللرنی قوللب قوتلش دیر.
غرب حوزهسیده عیاللر نینگ سوداگرلیک و صناعت اتاقی باشلیغی ادیبا وزیری گه کوره، ۴۵ غرفه ده عیاللر نینگ ایچکی تولیدلری و قول صناعتی جمله دن ترشی، شیرینلیک، محلی کییم، کیف، عیاللر بوتی و باشقه نرسهلر کورگزمه گه قوییلگن.
بیزلرنینگ فیسبوک صحیفهمیزگه باش اورینگ!
او نینگ کوپهیتیریشیچه، هرات ده حاضر عیاللر گه مخصوص بیش مارکیت فعالیت قیلماقده و شرایط مناسبلیگی سبب، اوشبو ولایت ده سوداگر عیاللر نینگ سانی کوپهیگن.
خانم وزیری گه کوره، غرب حوزهسیده حاضر ۱۴۰۰ عیال کیچیک و کتته سوداگرلیک ساحه ده فعالیت قیلماقدهلر و اولر دن ۳۵۰ تهسی، عیاللر نینگ سودگرلیک اتاقی ده ثبت و رسمی جوازی بار.
بیزلرنینگ توییترده هم تعقیب قیلینگ!
باشقه تاماندن، هرات ده سوداگر عیاللردن قطاری، مذکور کورگزمه یولگه قوییلیشیدن خورسندلیک قیلیب ایتیشلریچه، سوداگر عیاللر نینگ قوللب_قوتلش و ایشلری یخشیلنیشی اوچون بو گَل کورگزمهلر یولگه قوییلیشینی اونملی بیلهدیلر.