افغانستان ده سونگی سیاسی اوزگریش‌لردن کیین، مملکت نینگ تورلی بورچک‌لریده ایش‌سیزلر سانی مثل‌سیز درجه ده آشگن. بلخ مرکزی مزارشریف شهری نینگ تورت یوللری ده کونده‌لیک ایشلاوچیلر حضوری گه قره‌گنده، ایش‌سیزلر سانی آشیشیدن درک بیره‌دی.
مزارشریف تورت یوللری ده ایشلاوچیلر نینگ ایتیشلریچه، هر کونی ساعت‌لر چه ایش اوچون کوته‌دیلر؛ بیراق کوپ کوندن بیری حتا بیر کون هم ایش تاپ‌آلمه‌گنلر.
فاریاب ولایتی دن ایش قیدیریب بلخ گه کیلگن ایشلاوچیلردن بیرقطاری نینگ سلام‌وطندار گه ایتیشلریچه، اقتصادی قیینچیلیک‌لر گه علاوه ایش‌سیزلر سانی مثل‌سیز درجه ده آشگن.
بیزلرنینگ فیسبوک صحیفه‌میزگه باش اورینگ!
فاریاب دن ایش قیدیریب بلخ گه کیلگن کونده‌لیک ایشلاوچی عتیق‌الله گه کوره: «فاریاب دن ایش قیدیریب بو ییر گه کیلدیم. هر کونی اتاق اجاره بیره‌میز بیراق درآمد یوق. بیر کیشی ایشلاوچی آرتیدن کیلسه یوز کیشی هجوم قیله‌دی.»
بلخ مرکزی مزارشریف شهری ده کونده‌لیک ایشلاوچیلردن بیری شیراحمد نینگ ایتیشیچه: «سابق‌لر هر کونی ایش تاپیلر ایدی، بیراق بو کون‌لر حتا هفته ده بیر کون ایش گه بارمه‌ی‌میز. ایرته‌لب دن آخشم‌گچه قیغوریب اوی گه قیته‌میز.»
مذکور کونده‌لیک ایشلاوچیلر، ایش زمینه‌سی یوق‌لیگیدن نالیب و سرپرست حکومت دن، مملکت ده صناعتی شرکت‌لر و تولیدی کارخانه‌لرنی قوریش بیلن اولر گه ایش زمینه‌سینی یره‌تیشنی سوره‌یدیلر.
کونده‌لیک ایشلاوچیلردن سیدمحمد گه کوره: «حکومت دن بیز گه دایمی ایش تاپیب بیریشنی ایسته‌ی‌میز، آز معاش هم بیرسه قیین ایمس، بیر دانه نان پولینی تاپسک ییترلی دیر.»
بیزلرنینگ «ایکس» ترماغی ده هم تعقیب قیلینگ!
بلخ مرکزی مزارشریف شهری ده کونده‌لیک ایشلاوچیلردن باشقه بیری احمدفهیم نینگ ایتیشیچه: «حاضرگی دولت دن بیز گه ایش تاپیب بیریشنی ایسته‌ی‌میز، نرخ_نوالر آشگن، هر کونی ایش اوچون کوته‌میز لیکن ایش‌سیز اوی گه قیته‌میز.»
شو بیلن بیرگه، بلخ ولایتی ایش و اجتماعی ایشلر ریاستی مسئوللری نینگ ایتیشلریچه، مذکور ولایت ده کونده‌لیک ایشلاوچیلر نی آست قورمه و ترقیاتی پروژه‌لر ده، ایش گه شامل قیلیش اوچون تلاش قیلماقده‌لر.
بلخ ولایتی ایش و اجتماعی ایشلر باشلیغی نصیراحمد ابوخالد گه کوره: «ایش و اجتماعی ایشلر وزیرلیگی اویغون‌لیگی بیلن، کونده‌لیک ایشلاوچیلرنی آست قورمه و ترقیاتی پروژه‌لر ده استخدام قیلیش مقصدیده سعی‌وحرکت قیله‌یپمیز.»
ایش‌سیزلیک، ییل‌لردن بویان افغانستان فقرالری برابریده‌گی قیینچیلیک‌لردن سنله‌دی. اقتصادی قیینچیلیک و ایش‌سیزلیک باعث کوپ سانده یاش‌لر مملکت نی ترک قیلیب و باشقه اولکه‌لر گه مهاجر بولگنلر.
