بلخ مرکزی مزارشریف شهریده «خدیجه‌الکبرا» اسمیده عیاللر اوچون آچیلگن ایکینچی بازار دکاندارلری نینگ ایتیشلریچه، مشتری‌لری کم دیر.
ایشلاوچیلریدن برچه‌سی نی عیاللر تشکیل بیرگن اوشبو بازار‌ده‌گی عیاللر، مذکور بازار نینگ شهر‌دن اوزاق‌لیگی باعث سودا-ساتیش‌لری یوق‌لیگیدن شکایت قیله‌دیلر.
عیاللر گه اختصاص بیریلگن مذکور بازار‌ده‌گی ساتووچیلردن روینا نینگ سلام‌وطندار گه ایتیشیچه: «بو بازار نی توزه‌تگنیمیزدن بویان، هیچ سودا-ساتیق یوق. عیال‌لردن بیزلر نی حمایت قیلیش‌لری نی ایسته‌یمیز که، بو رقم اوشبو بازار رواجلنسین.»
بیزلرنینگ توییترده هم تعقیب قیلینگ!
شونینگدیک ساتووچیلردن باشقه بیری لینا نینگ ایتیشیچه: «ایش فرصتی ایجاد بولگنی اوچون خورسند‌میز. بو مارکیت نینگ پیشرفت قیلیشی نی ایسته‌یمیز که، کوپ مشتری کیلسین.»
اوشبو بازار‌ده‌گی سرمایه یاتقیزووچی عیاللر، یشاوچیلردن سوداگر عیال‌لردن حمایت قیلینیش مقصدیده، نیازلری بولگن نرسه‌لر نی اوشبو بازار‌دن آلیش‌لری نی ایسته‌گنلر.
شونده‌ی بیرحالده، اوشبو بازار‌ده‌گی عیال ساتووچیلردن پشتنه افغان نینگ ایتیشیچه: «گرچند بو مارکیت‌ده عیاللر نیازی بولگن برچه نرسه موجود دیر، بیراق هیچ مشتری‌میز یوق. عیال‌لردن سوره‌یمیز که قنده‌ی بو مارکیت‌ده موجود بولگن نرسه‌لر نی آلمه‌ی باشقه دوکان‌لر گه کیته‌سیزلر؟»
شونینگدیک عیال ساتووچیلردن باشقه بیری فریده نینگ ایتیشیچه: «دوکانی‌میزده کیفیت‌لی نرسه‌لر بار. عیاللر بو ییرگه کیلیب سودا آلیش‌لری کیره‌ک. چونکه اولر نینگ سودا آلیشی بیزلر گه هم یخشی دیر.»
عین حالده، بلخ ولایتی کان‌لر و صناعت اتاقی مسئوللری نینگ ایتیشلریچه، سوداگر عیال‌لردن حمایت قیلیش اوچون بیر قطار برنامه‌لر نی قولگه آلگنلر.
بلخ کان‌لر و صناعت اتاقی رئیسی امام‌الدین سنایی‌زاده نینگ ایتیشیچه، سوداگر عیال‌لردن حمایت قیلیش مقصدیده، اوشبو اتاق‌لر گه اولر نینگ عضو بولیش حقی اوچون پول آلمه‌ی و توارلری نینگ نمایش گه قویلیشی خصوصیده، کورگزمه یولگه قویه‌دیلر.
بیزلرنینگ فیسبوک صحیفه‌میزگه باش اورینگ!
سنایی‌زاده نینگ کوپه‌یتیریشیچه: «سوداگر عیاللر نینگ قیین‌چیلیگی کوپ بولگنی سبب، ساتیش کم دیر. اقتصادی مسئله‌لر گه قول تاپیش قیین دیر. اولردن حمایت قیلیش اوچون عضویت حقی و باشقه بیر قطار خذمت‌لر نی رایگان قیلگن‌میز.»
مزارشریف شهری‌ده‌گی عیاللر گه اختصاص بیریلگن اوشبو بازار‌ده، کمیده ۷۰۰ عیال ۱۲۰ دکان‌ده، اقتصادی خوکفا‌لیک و جماعه‌ده عیاللر حضوری اوچون سوداگرلیک فعالیت‌لری بیلن شغللنگن‌لر.
ایتیش کیره‌ک که، مذکور بازار‌ده عیاللر کییمی و آرایشی نرسه‌لر ساتیلیشی یانیده، شونینگدیک تیکووچیلیک و قول صناعتی ایش‌خانه‌لری هم ایجاد بولگن دیر.
