ییگیت‌لر آره‌سیده کتاب اوقیش و مطالعه فرهنگی کمه‌یشی خصوصیده خواطرلر کوپه‌یگنی بیرحالده، بلخ بیلیم یورتی نینگ خبرچی‌لیک فاکولته‌سی طلبه‌لری کتاب کورگزمه‌سی نی یولگه قوییگنلر.
اوشبو کورگزمه کتاب اوقیش فرهنگی رواجلنیشی مقصدیده، اوتگن کون (شنبه، ۱۱-سنبله) بلخ بیلیم یورتی‌ده یولگه قوییلیب و تورلی بولیم‌‌‌لرده قریب ۱۸۰۰ جلد کتاب نمایش گه قوییلگن.
بیزلرنینگ توییترده هم تعقیب قیلینگ!
مذکور کورگزمه نینگ یولگه قویگن اسکندر معین‌یار، کتاب اوقیش فرهنگی نی جماعه اوچون فایده‌لی عنوان قیلیب ایتیشیچه، هر سمستر جریانیده کتاب کورگزمه‌سی نینگ یولگه قوییلیشی گه قرار آلینگن.
شونده‌ی بیرحالده، طلبه‌لردن قطاری یولگه قوییلگن کتاب کورگزمه‌سیدن خورسند‌لیک بیلدیریب و ییگیت‌لر نینگ تشویق و مطالعه فرهنگی نینگ رواجلنیشی اوچون بو کبی برنامه‌لر نینگ یولگه قوییلیشی نی فایده‌لی بیله‌دیلر.
مذکور کورگزمه گه شرکت قیلگنلردن بیری حکمت‌‌الله، تمدن‌لر و مدنیت نینگ رواجلنیشی نی کتاب گه تیگیشلی دیب ایتیشلریچه: «بیر اولکه یشاوچیلری آره‌سیده مطالعه فرهنگی رواجلنگن بولسه، اوشبو مملکت ترقیات گه ایریشیشی ممکن.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو کورگزمه گه شرکت قیلگنلردن باشقه بیری حسیب‌الله نینگ ایتیشیچه: «بو کورگزمه نینگ یولگه قوییلگنی، ییگیت‌لر نینگ کتاب بیلن تانیشوو زمینه‌سی یره‌ته‌دی.»
ایتیش کیره‌‌ک که، ییگیت‌لر نینگ حد‌دن آشه اجتماعی ترماق‌لردن قوللنیش‌لری، تعلیمی و تحصیلی نهاد‌‌لر نینگ قیزلر یوزیگه یاپیق قالگنی، ایش‌سیزلیک و اقتصادی قیین‌چیلیک‌لر، یشاوچیلر آره‌سیده مطالعه فرهنگی نینگ کمه‌یگنی اساسی سبب‌لریدن دیر.
