بدخشان بیلیم یورتی نینگ فرهنگی کمیته مسئولی صلاح‌الدین قاری‌زاده نینگ ایتیشیچه، بوگون (شنبه، ۶-جوزا)، طلبه‌لر نینگ کتاب اوقیش گه تشویق قیلیش مقصد، اوشبو بیلیم یورت‌ده بیر کون‌لیک کتاب کورگزمه‌سی نی یولگه قوییگن.
جناب قاری‌زاده نینگ کوپه‌یتیریشیچه، اوشبو کورگزمه‌ده فرهنگی، ادبی، سیاسی، اجتماعی و اقتصادی بولیم‌لریده ایکی مینگ‌دن آرتیق کتاب نمایش گه قوییلگن.
بیزلرنینگ توییترده هم تعقیب قیلینگ!
بدخشان بیلیم یورتی نینگ فرهنگی کمیته مسئولی گه کوره: «اوشبو کورگزمه‌ده فرهنگی، ادبی، سیاسی، اجتماعی و اقتصادی بولیم‌لریده تورلی عنوان بیلن ایکی مینگ‌دن آرتیق کتاب نمایش گه قوییلگن. بدخشان بیلیم یورتی نینگ فرهنگی کمیته‌سی آدرسی‌دن باشلنگن بو بیرینچی آدیم دیر و کیله‌جک‌ده هم یازووچیلیک، کتاب اوقیش مسابقه‌سی، حکایه یازیش و باشقه فرهنگی برنامه‌لر خصوصیده هم فکر‌لریمیز بار.»
اوشبو کورگزمه گه شرکت قیلگن بدخشان مرکزی فیض‌آباد شهری‌ده‌گی کتاب ساتووچیلردن قطاری، خورسند‌لیک بیلدیریب ایتیش‌لریچه، کتاب ساتووچیلردن حمایت بولینیشی خصوصیده بو کبی کورگزمه‌لر نینگ یولگه قوییلیشی اونملی دیر.
عین حالده، بدخشان ده‌گی کتاب‌ساتووچیلرد بیری کاشف احمد نینگ ایتیشیچه، کتاب کورگزمه‌لر نینگ یولگه قوییلیشی، کتاب ساتیلیش بازاری نینگ یخشی بولیشی گه سبب بوله‌دی.
کاشف احمد نینگ کوپه‌یتیریشیچه: «مذکور کورگزمه گه شرکت قیلگنلر گه کیره‌ک بولگن کتابلری نی آلیش‌لری اوچون ۲۰ الی ۳۰ فایز تخفیف بیره‌میز. بو ایش برچه‌میز گه یخشی که طلبه‌لر قیزیققن کتابلری نی آله‌دیلر و بیزلر هم بو کبی کورگزمه نینگ یولگه قوییش‌دن خورسند بوله‌میز.»
مذکور کورگزمه گه شرکت قیلگن بیلیم یورت اوقیتووچیسی نورالعلا داوود‌پور نینگ ایتیشیچه، کتاب اوقیش برچه جماعه اوچون اونملی دیر و کتاب اوقیش فرهنگی نینگ رواجلینشی اوچون، بو کبی کورگزمه‌لر نینگ یولگه قوییلیشی کیره‌ک.
شونینگدیک اوشبو کورگزمه گه شرکت قیلگن‌لردن باشقه بیری روح‌الله روحانی نینگ ایتیشیچه، اکادمیک ییرلرده یالغیز بو کبی برنامه‌لر نینگ یولگه قوییلیشی ییترلی ایمس.
بیزلرنینگ فیسبوک صحیفه‌میزگه باش اورینگ!
روح‌الله روحانی نینگ کوپه‌یتیریشیچه: «کورگزمه‌لر نینگ سرک‌لرده یولگه قوییلیشی کیره‌ک که، بو رقم برچه اهالی کتاب اوقیش گه قیزیقسین. سوا‌د‌لیک کیشی‌لر یالغیز بیلیم یورت‌ده ایمس، بلکیم بیلیم یورت‌دن تشقری‌ده هم سواد‌لی کیشی‌لر بار و شهر‌لر، قیشلاغ‌لر و تومن‌لرده هم کتاب کورگزمه‌لری یولگه قوییلیشی کیره‌ک.»
ایتیش کیره‌ک که، سونگی ایکی ییل جریانیده بیر قطار طلبه‌لر اشتراکی بیلن بدخشان بیلیم یورتی‌ده یولگه قوییلگن ایکینچی کتاب کورگزمه‌سی دیر.
