Asset 1SWN

کتاب هفته‌سی؛ جوزجان ده قولاق دن عاجز کیشی‌لر مطالعه قیلیش گه یوز کیلتیرگن

Jauzjan book1

بوگون (یک‌شنبه، ۳۱ ثور)، جوزجان معلومات و مدنیت ریاستیده کتاب هفته‌سی عنوانیده، محلی مسئوللر، شاعرلر، فرهنگی‌لر، یازووچیلر، یاش‌لر و اوسمیرلر حضوری بیلن کتاب کورگزمه‌سی یولگه قوییلدی.

اوشبو مراسم ده اشتراک ایتگن قولاق دن عاجز کیشی‌لر، ایما_اشاره و قول حرکتی بیلن کتاب گه نسبتن علاقه‌لرینی بیلدیریب ایتیشلریچه، ناگران‌لیک کوچ‌سیزلیک ایمس شونی اوچون مطالعه قیلیش بیلن اوزلرینی جمعیت ده تانیتیشگن و اوشبو یول آرقه‌لی مملکت گه خذمت قیلیشنی ایسته‌یدیلر.

اولر، اسلام امیرلیگی دن جمعیت ده‌گی باشقه کیشی‌لر گه مطالعه قیلیش زمینه‌سینی یره‌تیش مقصدیده، اوزاق تومن‌لرده کتاب‌خانه‌لر ایجاد ایتیشنی سوره‌یدیلر.

بیزلرنینگ فیسبوک صحیفه‌میزگه باش اورینگ!

قولاق دن عاجز یاسراحمد نینگ ایتیشیچه، مطالعه قیلیش بیلن حیاتی اوزگرگن و بوندن کیین هم مطالعه اوچون کوپراق وقت اجره‌تیشنی ایسته‌یدی.

او نینگ کوپه‌یتیریشیچه: «مطالعه آرقه‌لی دنیا بیلن آشنا بولدیم، مطالعه بیلن حیات گه قوشیمچه جمعیت نی اوزگرتیره‌میز، بیز قولاق دن عاجزلر هیچ قچان تسلیم بولمه‌یمیز، کتاب صمیمی دوستی‌میز دیر.»

قولاق دن عاجزلردن باشقه بیری سیف‌الله گه کوره، کتاب بیلن صمیمی دوست بولگن و مطالعه بیلن هر کونی اوزگرماقده دیر.

اون نینگ ایتیشیچه: «مطالعه‌میز بولمه‌گنده سوادسیز کبی معلوم بوله‌میز، یشاوچیلر بیلن افهام و تفیم قیله آلمه‌یمیز و باشقه‌لرنی توشینتیره آلمه‌یمیز.»

جوزجان معلومات و مدنیت ریاستی مسئوللری نینگ ایتیشلریچه، ناگران‌لرنی قوللب_قوتلش اوچون ایریم برنامه‌لرنی نظرگه آلگنلر و کیتمه_کیت عملی قیلیشه‌دی.

جوزجان معلومات و مدنیت باشلیغی سیف‌الدین معتصم گه کوره، سونگی کون‌لرده یاش‌لر و اوسمیرلرنی مطالعه گه علاقه‌لری کوپه‌یگن، شونی اوچون اوشبو ولایت ده علمی و فرهنگی برنامه‌لرنی کوپراق یولگه قویه‌دیلر.

بیزلرنینگ توییترده هم تعقیب قیلینگ!

او نینگ کوپه‌یتیریشیچه: «ناگران‌لر گه زمینه یره‌تیش مقصدیده سعی‌وحرکت قیلماقده‌میز و حاضر هم ایریم زمینه‌لرنی یره‌تگن میز.»

جوزجان معلومات و مدنیت باشلیغی گه کوره، بو گَل برنامه‌لر یولگه قوییلیشی یاش‌لر و اوسمیرلر ذهنینی تازه قیلیب و اولر نینگ بیلیمینی باییتیش گه سبب بوله‌دی.

ناگران‌لردن حمایت قیلووچی نهادلر نینگ معلوماتی اساسیده، حاضرگی کونده جوزجان ده ۴۵۰ قولاق دن عاجز کیشی موجود دیر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام