بوگون (سه‌شنبه، ۱۹ ثور) هرات شهری ده «یاران مهربان» آتیده تورت کون‌لیک کتاب کورگزمه‌سی آچیلگن.
اوشبو کورگزمه مسئولی عبدالله مومنی گه کوره، ادبیات، روان‌شناس‌لیک، تاریخ و دینی علوم ساحه‌لریده مینگلب عنوان کتاب، کتاب هفته‌سی مناسبتی بیلن کورگزمه گه قوییلگن.
مومنی نینگ ایتیشیچه، سونگی وقت‌لرده هرات ده کتاب سوداسی و کتاب اوقووچیلر سانی کمه‌یشی باعث، او اوشبو کورگزمه‌نی یولگه قوییش گه مجبور بولگن.
بیزلرنینگ فیسبوک صحیفه‌میزگه باش اورینگ!
مذکور کورگزمه ده اشتراک ایتگنلردن محمدالیاس نجیبی، اوشبو کتاب کورگزمه‌سی آچیلیشیدن خورسندلیک قیلیب ایتیشیچه، اولکه یشاوچیلری کتاب اوقیش دن اوزاق‌لشگن بیرحالده، بو گَل کورگزمه‌لر یولگه قوییلیشی اونملی دیر.
هرات ده‌گی فرهنگی‌لردن بیرقطاری نینگ ایتیشلریچه، مذکور ولایت ده اوتمیش گه نسبتن یشاوچیلر اینیقسه یاش‌لر آره‌سیده کتاب اوقیش میزانی کمه‌یگن.
هرات ده بیلیم یورت اوقیتووچیسی عبدالبصیر صبور، کتاب اوقیش اهمیتی اوستیده تأکیدلب ایتیشیچه، یاش‌لرنی کتاب اوقیش گه ترغیب قیلیش اوچون کتاب کورگزمه‌سی یولگه قوییلیشی اونملی دیر.
بیزلرنینگ توییترده هم تعقیب قیلینگ!
عین‌حالده، هرات معلومات و مدنیت ریاستی نینگ فرهنگ و هنر ایشلری بوییچه آمری حمیدالله غیاثی، جمعیت ترقیاتی اوچون کتاب اوقیشنی اهمیتلی دیب بو گَل کورگزمه تشکیلاتچیلری بیلن همکارلیک قیلیشیدن ایشانچ بیره‌دی.
متخصص کیشی‌لر گه کوره، بیر کیشی هر کونی کمیده ایکی ساعت کتاب اوقیشی کیره‌ک، لیکن افغانستان ده کم سانده کیشی‌لر اوشبو معیاردن پیروی‌لیک قیلیشه‌دی.
