هرات‌لیک عیال اوقیتووچیلر و ۱۴۰۱_ییل کانکور سیناوی گه قیزلری اشتراک ایتگن عایله‌لردن قطاری، بوگون (سه‌شنبه، ۱۷-عقرب) اوشبو ولایت معارف ریاستی تامانیدن کانکور نخبه‌لری تقدیر بولیش برنامه‌سیده، مملکت‌ده قیز مکتب‌لر نینگ آچیلیشی گه تاکید قیلگنلر.
اولر اوشبو برنامه‌ده ایتگنلر که، آلتینچی صنف‌دن یوقاری قیز مکتب‌لر نینگ یاپیق قالیشی، کیله‌سی ییل قیزلر نینگ کانکور سیناوی گه شرکت قیله‌آلمسلیک‌لری گه سبب بوله‌دی. اولر نینگ کوپه‌یتیریش‌لریچه، کیله‌سی ییل کانکور سیناوی قیزلر نینگ حضور‌سیزلیگی‌ده یولگه قویلیشی خصوصیده خواطرده‌لر.
هرات ولایتیده اوقیتووچیلردن بیری طیبه رستمی نینگ ایتیشیچه، مملکت‌ده قیز مکتب‌لر نینگ آچیلمه‌یشی روحی و روانی قیین‌چیلیک‌لر یانیده قیزلر و اولر نینگ کیله‌جکلری اوچون یامان عاقبتی بار.
بیزلرنینگ فیسبوک صحیفه‌میزگه باش اورینگ!
اوقیتووچی عیال‌لر اسلام امیرلیگی مسئوللریدن مملکت قیزلری نینگ کیله‌جگی اوچون قیز مکتب‌لری نینگ آچیلیشی نی ایسته‌یدیلر.
شونینگدیک بو ییل کانکور سیناویده باله‌لری کامیاب بولگن عایله‌لردن قطاری، قیز مکتب‌لری نینگ آچیلیشی گه تاکید قیلیب و قیزلر نینگ قیته مکتب گه باریشلری گه رخصت بیریلیشی نی سوره‌یدیلر.
باشقه بیر تامان‌دن، بو ییل کانکور سیناویده نخبه‌لر آره‌سیده‌گی قیزلردن الهام نبی‌زاده نینگ ایتیشیچه، قیزلر جماعه نینگ یریمی نی تشکیل بیره‌دی.
اونینگ کوپه‌یتیریشیچه: «بو یخشی ایش ایمس و قیزلر نینگ مکتب گه باریشی کیره‌ک چونکه قیزلر هم جماعه نینگ یریمی نی تشکیل بیره‌دی و دولت اولردن تعلیم حقی نی آلمه‌یشی کیره‌ک.»
بیزلرنینگ توییترده هم تعقیب قیلینگ!
شونینگدیک بانو نبی‌زاده اسلام امیر‌لیگی‌دن کیله‌جک ییل‌ده قیزلر نینگ کانکور سیناوی گه شرکت قیلیش‌لری اوچون مملکت‌ده‌گی آلتینچی صنف‌دن یوقاری قیز اوقووچیلر گه رخصت بیریلیشی نی ایسته‌گن.
معلومات‌لر اساسیده، ۱۴۰۱-ییل نینگ کانکوری نتیجه‌سیده هرات ولایتی نینگ «هاتفی» لیسه اوقووچی‌سی بولمیش الهام نبی‌زاده، ۳۴۸.۶۶ نمره قول گه کیلتیریش بیلن، بو ییل قیزلر آره‌سیده بیرینچی اورین گه ایگه بولیب و هرات ولایتی نینگ داکترلیک بولیمی نی قول گه کیلتیرگن.
