عالی اوقوو وزیرلیگی مسئوللری نینگ ایتیشلریچه، بوگون (پنجشنبه، ۱۴ میزان) مملکت نینگ ۳۳ ولایتیده کانکور سیناوی باشلنگن.
عالی اوقوو وزیرلیگی سوزلاوچیسی احمد تقی اوز تویتری ده یازیشیچه: «بوگون مملکت نینگ ۳۳ ولایتیده کانکور سیناوی تینچ فضا و رسمی شکلده باشلندی.» او کانکور سیناوی گه اشتراک ایتگن اوقووچیلر گه مؤفقیت‌لیک طلب قیلگن.
بیزلرنینگ فیسبوک صحیفه‌میزگه باش اورینگ!
بوگون کانکور سیناوی مملکت نینگ ۳۳ ولایتیده باشله‌نیب و باشقه ایکی کونگچه دوام تاپیشی کوتیله‌دی اوشبو سیناو گه مکتب‌لردن فارغ بولگن قیز و ییگیت اوقووچیلر اشتراک ایتیش‌لری ممکن.
شونده‌ی بیرحالده، محلی منبع‌لر نینگ ایتیشلریچه، اوتمیش ییل‌لر گه قره‌گنده بو ییل کانکور سیناوی گه شرکت قیلگنلر نینگ میزانی، ولایت‌لردن قطاری‌ده ۴۰ الی ۵۰ فایز کمه‌یگنی نی کورسته‌دی.
بامیان، دایکندی، غور، بادغیس و باشقه بیر قطار ولایت‌لرده منبع‌لر نینگ ایتیشلریچه، اوتمیش ییل‌لر گه قره‌گنده بو ییل شرکت قیلگنلر میزانی شدت‌لی بیر شکده کمه‌یگن دیر.
بامیان بیلیم یورت مسئوللریدن بیری کیم‌لیگی سِر قالیش نی ایسته‌ب سلام‌وطندارگه ایتیشیچه، بو ییل مذکور ولایت‌ده ۳۱۰۰ کیشی کانکور سیناوی گه شرکت قیلگن که اولردن کمیده ۵۰ فایزی نی قیزلر تشکیل بیره‌دی. عین حالده، اوتمیش کانکور سیناوی گه ۵ مینگ و ۲۱۸ داوطلب شرکت قیلگن ایکن.
بیزلرنینگ توییترده هم تعقیب قیلینگ!
شونده‌ی بیرحالده، دایکندی ده مجلی منبع‌لر نینگ ایتیشلریچه، بو ییل مذکور ولایت‌ده کانکور ورقی نی خانه‌پوری قیلگن ایکی مینگ و ۳۳۱ اوقووچی‌دن بیر مینگ و ۶۳۷ داوطلب شرکت قیلگن. منبع گه کوره، بو آره‌ده دایکندی ده کانکور سیناوی گه شرکت قیلگن‌لردن ۹۳۴ ته‌سی نی قیزلر تشکیل بیره‌دی.
توزوم نینگ اوزگرگنی، نابیللی کیله‌جک، قشاق‌لیک و ایش‌سیزلیک، قیز مکتب‌لری نینگ یاپیق قالگنی و مهاجرت سبب، مملکت ولایت‌لریدن قطاری‌ده کانکور داوطلب‌لری کمه‌یگن دیر.
