فاریاب ولایتی اندخوی تومنی یشاوچیسی بولمیش خورشید جویا کانکورعمومی سیناویده ۳۴۰.۴۰ نمره و جوزجان یشاوچیسی بولمیش نبیلا ۳۴۳ نمره آلیش بیلن کابل نینگ معالجوی طب بولیمی گه یول تاپگنلر. اولر مذکور ایکی ولایت بویلب کانکور سیناوی گه اشتراک ایتگنلر آره‌سیده بیرینچی اورین‌نی ایگه‌لگنلر.
خورشید جویا سلام‌وطندار بیلن اوتکزگن صحبتی‌ده ایتگن که، قیلگن سعی و حرکتی نتیجه‌سیده بو بولیم گه ییتیشگن دیر.
اونینگ ایتیشیچه: «طبیعی دیر که بیر توزوم اوزگرسه ذهنیت‌لر هم اوزگره‌دی و مین ایجابی ذهنیت بیلن بو موفقیت گه ییتیشدیم. کیله‌جک‌ده کانکور سیناوی گه شرکت قیله‌دیگنلر گه ایتیش‌کیره‌ک که، کوپ تلاش قیلسین‌لر و موفق بولسین‌لر.»
بیزلرنینگ توییترده هم تعقیب قیلینگ!
باشقه بیر تامان‌دن، جوزجان ولایتی یشاوچیسی بولمیش مسعوده کانکور سیناویده ۳۳۸ نمره آلیش بیلن اوشبو ولایت‌ده ایکینچی اورین‌نی قولگه کیلتیرگن. اونینگ سلام‌وطندار گه ایتیشیچه، اسلامی امارت تامانیدن یره‌تیلگن بوتون چیکلاو‌لر بیلن، ینه هم مقصد‌لری گه ییتیشه‌‌آلگنلر.
اونینگ کوپه‌یتیریشیچه: «حاضرگی حکومت‌دن بو پروسه نی شفاف شکلده یولگه قوییگن‌لری اوچون کوپ رضایتی‌میز بار. اوشبو حکومت‌دن قیزلر برابریده یره‌تگنی قیین‌چیلیک‌لر اورنیده، قیزلر گه ایجابی پروسه‌لر نی یولگه قوییش بیلن جماعه‌ده نقش بیریش‌لری نی ایسته‌یمین.»
جوزجان‌لیک قیزلردن باشقه بیری صدف، بلخ بیلیم یورتی نینگ معالجوی طب بولیمی گه یول تاپگن دیر. اونینگ ایتیشیچه، قیزلر ناامید بولمه‌یشلری کیره‌ک و کیله‌جکلری وچون سعی و حرکت قیلیش‌لری کیره‌ک.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایسته‌گنلری بولیم‌لر گه کامیاب بوله آلمه‌گنلر گه پیامیم شو که، بیزلر اعتقادی‌میز‌دن جسور‌راق، نظر گه کورینی‌شی‌میزدن کوچلی و توشینیشی‌میزدن هوشیار‌میز. هیچ بیر زمان امید‌سیز بولمه‌ینگ و سعی و حرکت‌دن قول تارتمه‌ینگ.»
مذکور قیزلر بوتون عیال‌لر و قیزلردن اوتمیش‌دن کوچلی‌راق آدیم قوییب و تحصیل‌لری نینگ دوامی اوچون سعی و حرکت قیلیش‌لری نی ایسته‌یدیلر.
