هرات ده یوز بیرگن اولیم‌لی زلزلهلردن ۳۵ کون اوتگنی بیلن، بیراق مذکور ولایت نینگ زنده‌جان تومنی‌ده جایلشگن منطقه‌لردن قطاری‌ده زیان کورگنلر، حکومت تامانیدن ییترلی درجه‌ده خذمت کورسه‌تیلمه‌گنیدن شکایت قیله‌دیلر.
مذکور زلزلهلردن زیان کورگن کیشی‌لردن قطاری نینگ ایتیشلریچه، اولر گه چادر بیریلمه‌گن و پلاستیک و ترپال توته‌لری بیلن قورگنلری چادر ده کیچه و کوندوز نی کیچیره‌دیلر.
بیزلرنینگ فیسبوک صحیفه‌میزگه باش اورینگ!
هرات ولایتی زنده‌جان تومنی نینگ میزمیزک منطقه یشاوچیلری نینگ ایتیشلریچه، اهالی‌دن ۵۰دن آرتیغی ساووق هوا‌ده چادر‌سیز شکلده حیات کیچیرماقده.
هرات ولایتی زنده‌جان تومنی نینگ میزمیزک منطقه یشاوچیلریدن بیری عبدالمجید نینگ ایتیشیچه: «زلزله طفیلی اوی‌سیز-جای‌سیز بولدیک. اوشبو زلزله نتیجه‌سیده، کوپینچه زیان کوردیک. چادر یاردم بیردیلر، بیراق بیزلر گه ییتیشمه‌دی. اوشبو باغچه‌لرده حیات کیچیرهمیز. حاضر ایسه عایله‌میزدن تورت کیشی کسل بولگن. بیر کونده نیچه مرته کسل‌خانه گه آلیب کیته‌میز. دارو ییتیشمه‌دی، بیر یا-ده ایکی کیسه اون بیردیلر خلاص.»
شونینگدیک مذکور منطقه یشاوچیلریدن باشقه بیری رمضان، هوا نینگ ساووق بولیشی بیلن آچیق هوا‌ده حیات کیچیریشلری سبب، باله‌لری نینگ کسل بولیشی خصوصیده ایتیشیچه: «اوی‌لردن قریب ۸۰ فایزی ویران بولدی، آز کیشی گه چادر ییتیشدی. باشقه کیشی‌لر ایسه ترپال آستیده حیات کیچیره‌دیلر. کیچه‌لر ساووق بولیشی اوچون کیچیک باله‌لر کسل بوله‌دی.»
عین حالده، هرات ده مدنی فعال فرشته یعقوبی نینگ ایتیشیچه، یاردم خصوصیده زیان کورگنلر نینگ نیازی گه قره‌گنده، یاردم بیریلیش جریانی جوده‌یم سیکین دیر. «حاضرگچه اهالی پارک‌لر یا-ده چادر‌لر آستیده حیات کیچیره‌دی. یاردم بیریش جریانی سیکین دیر و کوپینچه زیان کورگنلر گه یاردم بیریلگن. قیش موسومی ییتیب کیلماقده و یاردم‌لر آز دیر.»
هرات محلی مسئوللری، زیان کورگنلر گه ترقه‌تیله‌دیگن یاردم‌لر نینگ ییترلی بیلمه‌ی بیراق ایتیشلریچه، جدی شکلده زیان کورگنلر گه، مکمل شکلده یاردم صورت تاپگن.
بو توغریده هرات حادثه‌لر گه قرشی کوره‌ش ریاستی نینگ مالی مدیری عبدالسلام بارکزی نینگ سلام‌وطندار گه ایتیشیچه: «زیان کورگن کیشی‌لر گه کوپینچه یاردم صورت تاپگن، بیراق کوپراق زیان کورمه‌گن بیرقطار قیشلاغ‌لر گه، ترپال و کمپل کبی آز یاردم صورت تاپگن و قیین‌چیلیک‌لر آز دیر.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، حاضرگچه ۴۰ میلیون‌دن آرتیق دالر مملکت‌لر و ایچکی منبع‌لر آرقه‌لی هرات ده زلزله‌دن زیان کورگن کیشی‌لر گه یاردم بیریلگن دیر.
هرات ده قریب بیر آی آلدین یوز بیرگن کیت‌مه-کیت زلزله‌لر، کوپینچه خرابه‌لیک‌لر گه سبب بولیب و مذکور زلزله‌لر نتیجه‌سیده، اوچ مینگ‌دن آرتیق یشش اوی ویران و ۱۲ مینگ‌دن آرتیق عایله زیان کورگن. شونینگدیک مذکور زلزله‌لر طفیلی، ۱۵۰۰دن آرتیق کیشی اولیب و ۲۰۰۰دن آرتیق کیشی ایسه یره‌لنگن.
