بوگون (شنبه، ۲۱ عقرب) هرات‌لیک یاش‌لردن بیرقطاری، مذکور ولایت محلی مسئوللری نینگ یاردمی بیلن «یاشلر تشبثی» عنوانیده، مملکت معلومات و مدنیت وزیرلیگی نینگ حضوری بیلن ایچکی محصولات و قول صناعتی کورگزمه‌سینی یولگه قویدیلر.
اسلام امیرلیگی معلومات و مدنیت وزیرلیگی نینگ یاشلر معینی محمدیونس راشد، هرات ولایتی یاشلری نینگ یوتوق‌لرینی آلقیشلب ایتیشیچه، اسلام امیرلیگی اولکه یاشلرینی قوللب-قوتلب و اولر گه ایش شرایطینی یره‌تیش مقصدیده سعی و حرکت قیلماقده دیر.
بیزلرنینگ فیسبوک صحیفه‌میزگه باش اورینگ!
جناب راشد، مملکت دن تشقری ۶۵ مینگ ایشلاوچی یوباریلیشی خصوصیده ایتیشیچه، بویوک پروژه‌لر اینیقسه کان‌لرنی قازیب چیقریش ایشی باشله‌نیشی بیلن یاشلرگه ایش شرایطی یره‌تیله دی.
اوشبو کورگزمه ده نطق سوزله‌گن هرات معلومات و مدنیت باشلیغی نعیم‌الحق حقانی، یاشلر نینگ مملکتده قالیشی و دولت نینگ اولکه بویلب یاشلر اینیقسه هرات‌لیک ییگیت‌لردن اساسی شکلده فایده‌لنیشی اوستیگه تأکید ایتدی.
جناب حقانی نینگ کوپه‌یتیریشیچه، مملکت معلومات و مدنیت وزیرلیگی نینگ یاشلر معینی دن، حقیقت‌لر انعکاس بیریلیشی اوچون مملکت مقیاسیده میدیالر گه ییترلیچه فضا یره‌تیشینی طلب قیلدی.
بیزلرنینگ توییترده هم تعقیب قیلینگ!
مذکور کورگزمه تدبیرکارلری نینگ ایتیشلریچه، بو کورگزمه ده ۴۵ غرفه ده تدبیرکار عیاللر و سوداگر ایرکک‌لر نینگ محصولاتی اوچ کونگچه نمایش گه قوییله‌دی.
کورگزمه تدبیرکارلریدن زیر رحیمی، اوشبو کورگزمه یولگه قوییلیشیدن اساسی مقصد، یاشلرنی ترغیب قیلیش، مملکت ده قالیش و سرمایه یاتقیزیش عنوان قیله‌دی.
نیچه کون آلدین هرات ده ایچکی محصولات‌لرنی قوللب-قوتلش مقصدیده عیاللر نینگ قول صناعتی کورگزمه‌سی یولگه قوییلگن ایدی.
