غوریان هرات توز قازیب چیقریش کمپنیه مسئوللری، مملکت ده ایشلب چیقریلگن آیودینلی کبی توز، قوشنی اولکهلردن کیلتیریلیشیدن شکایت قیلهدیلر. غوریان هرات توز قازیب چیقریش کمپنیه مسئولی ناصرامید نینگ سلاموطندار گه ایتیشیچه، حاضر هر ییلی قریب ۵۰ مینگ تُن توز، غوریان توز کانی دن قازیب چیقرماقدهلر.
ناصر امید نینگ ایتیشیچه: «توز نی قازیب چیقریش ایشی ثور آیی دن باشلهنیب و عقرب آیی گچه دوام تاپهدی. غوریان تومنی توزی رسوبی دیر و استعمال اوچون اینگ اعلی توز سنلهدی.»
جناب امید گه کوره، اوتمیش ییللرده غوریان توز کانی ده هیچ دقت بولمهگن. اوتمیش ده غوریان تومنی توز کانی قوشنی اولکهلر گه قاچاق بولیشی خصوصیده ایریم گزارشلر ترقهلگن ایدی؛ بیراق صناعت و سوداگرلیک وزیرلیگی مسئوللری، قوشنی اولکهلر گه توز قاچاقی آلدی آلینگنیدن ایشانچ بیرهدیلر.
بیزلرنینگ فیسبوک صحیفهمیزگه باش اورینگ!
صناعت و سوداگرلیک وزیرلیگی نینگ صناعت و تجارت معینی محمدزبیر زینپرور نینگ ایتیشیچه، اسلام امیرلیگی ایچکی تولیدلر قوللب_قوتلنیشی اوچون افغانستان گه توز وارد ایتیلیشینی تقیقلهگن.
جناب زینپرور گه کوره: «اسلام امیرلیگی افغانستان ایچیده ایشلب چیقریلهدیگن محصوللر سالیغینی کوپهیتیرگن.»
عینحالده، اقتصادی ایش بیلرمانلردن بیرقطاری نینگ ایتیشلریچه، مملکت اقتصادیاتی کوچهیشی اوچون ایچکی تولیدلردن قوللـهنیش کیرهک.
اقتصادی ایش بیلرمان عبدالهادی خلیق نینگ ایشانچی گه کوره، مملکت اقتصادیاتی کوچهیشی اوچون یگانه ییچیم یول، ایچکی منبعلر و افغانستان کانلریدن قوللـهنیش دیر.
اقتصادی ایش بیلرمان عبدالهادی خلیق نینگ ایتیشیچه: «افغانستان ده قازیب چیقریلهدیگن کان کوپ دیر، بو کانلرنی افغانستان ایچکی مصرفلرینی تأمینلش گه قوشیمچه چیت ایل اولکهلر گه صادر قیله آلهمیز، شونینگدیک مینگلب کیشی ایش بیلن تأمینلنهدی، اوشبو کانلردن قوللـهنیش مملکت اقتصادیاتی کوچهیشی گه سبب بولهدی.»
باشقه تاماندن، هرات کانلر ریاستی مسئوللری اوشبو ولایت ده سوداگرلر و سرمایه یاتقیزووچیلر قوللب_قوتلنیشی اوستیده تأکید ایتهدیلر.
بیزلرنینگ توییترده هم تعقیب قیلینگ!
هرات کانلر باشلیغی فضلاحمد منیب گه کوره، مملکت دهگی برچه سرمایه یاتقیزووچیلر گه کانلر اوستیده سرمایه یاتقیزیش گه زمینه یرهتیش مقصدیده سعیوحرکت قیلماقدهلر.
او نینگ ایتیشیچه: «غوریان تومنی ده جایلشگن ۱۱ مینگ هکتار ییردهگی توز کانی اوچ بولیم ده تقسیم بولگن و بیر ییل دن بیری بیرینچی بولیمی قازیب چیقریلماقده و هر ییلی تخمیناً ۲۵ مینگ تُن توز اسلام امیرلیگی گه تاپشیریلهدی.»
معلوماتلر گه بناً، هرات ولایتی غوریان توز کانی ییترلیچه آیودینلی بولیشی باعث مملکت ده آیودینلی توز کانلریدن سنلهدی.