اسلام امیرلیگی باش وزیری نینگ اداری اۉرین باسری عبدالغنی برادر، قزاقستان باش وزیری نینگ اۉرین باسری سریک ژومانگارین بیلن اوچره‌شدی.
ارگ، ۵-ثور، چهارشنبه کونی ایکس اجتماعی ترماغیده، اسلام امیرلیگی باش وزیری نینگ اداری اۉرین باسری ملا عبدالغنی برادر نینگ قزاقستان باش وزیری اۉرین باسری سریک ژومانگارین بیلن اوچره‌شگنیدن خبر بیرگن.
ارگ نینگ کوپه‌یتیریشیچه، اوشبو اوچره‌شووده سیاسی، اقتصادی، سودا، ترانزیت همده تورکمنستان و افغانستان آرقه‌لی قزاقستان نینگ تیمیر یولی پاکستان گه اۉتکزیلیش مسئله‌لری محاکمه قیلینگن.
بیزلرنینگ فیسبوک صحیفه‌میزگه باش اورینگ!
شونینگدیک بو اوچره‌شووده برادر جنابلری ایکّی مملکت نینگ مناسبت‌لری مستحکم‌لنیشی گه تاکیدلش گه قوشیمچه، قزاقستان باش وزیری نینگ اۉرین باسری دن افغانستان ده ایکینچیلیک، ساغلیق، آست قورمه لایحه‌لر و باشقه ساحه‌لرده سرمایه یاتقیزیب و بوتوغریده سرپرست حکومت بیلن همکارلیک قیلیشینی اېسته‌گن.
اسلام امیرلیگی باش وزیری نینگ اداری اۉرین اوشبو اوچره‌شووده ایکّی مملکت تجارلری نینگ بانکی قیینچیلیگی حل اېتیلیشی، افغان-قزاق قۉشمه کمپنیه‌لر قوریلیشی و افغان سوداگرلری گه ویزه صادر اېتیش ده قولی‌لیک یره‌تیلیشی اوستیگه تاکید اېتگن.
بو اوچره‌شووده قزاقستان باش وزیری نینگ اۉرین باسری تورکمنستان و افغانستان آرقه‌لی اوشبو مملکت نینگ تیمیر یولی پاکستان گه اوتگن حالده، اقتصادی قولی‌لیک یره‌تیشگه قۉشیمچه افغانستان آرقه‌لی مرکزی آسیا نی جنوبی آسیا گه باغلب و افغانستان نی تورکمنستان همده قزاقستان آرقه‌لی چین و اروپا مملکت‌لری باغلش گه زمینه یره‌تیشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
ژومانگارین قزاقستان افغانستان کان‌لری اوستیده سرمایه یاتقیزیش اوچون قیزیقیشی گه علاوه بو مملکت بیلن الکترونیکی حکومتدارلیک، صناعت، عالی اوقوو، معارف، ساغلیق و بانکدارلیک ساحه‌لریده همکارلیک قیلیش گه قیزیقیشیدن ایشانچ بیرگن.
قزاقستان هیئتی اوشبو مملکت باش وزیری نینگ اۉرین باسری ییتکچیلیگیده ایکّی تامانلمه مناسبت‌لرنی مستحکم‌لش، افغان-قزاق کورگزمه‌سی و سودا باغلش کنفرانسینی آچیش» مقصدیده اۉتگن کون کابل گه تشریف بویردی.
بوگون اسلام امیرلیگی، تورکمنستان و قزاقستان آره‌سیده سودا و ترانزیت نی کېنگه‌یتیریش و منطقه نی باغلش آتیده اوچ تامانلمه ییغیلیش اۉتکزیلیشی کوتیله‌دی.
۴-ثور، سه‌شنبه کونی تورکمنستان هیئتی کابل گه تشریف بویرگن اېدی.
