هرات ولایتی‌ده مسئوللر نینگ ایتیشلریچه، مذکور ۱۴۰ یشش اوی اوشبو ولایت انجیل تومنی نینگ میرقنات، خواجه شهاب، علی منصور، کالار و هوا دشت قیشلاغ‌لریده قوریلیب و اوتگن کون اهالی گه تاپشیریلگن.
هرات معلومات و مدنیت باشلیغی و زلزله طفیلی زیان کورگنلر گه ایریشیش کمیسیون سوزلاوچیسی احمدالله متقی نینگ ایتیشیچه، مذکور یشش اوی‌لر نینگ قوریلیش ایشی بیر آی اون کون دوام قیلیب و ۲۲ میلیون افغانی خره‌جت کوتارگن.
هرات معلومات و مدنیت باشلیغی و زلزله طفیلی زیان کورگنلر گه ایریشیش کمیسیون سوزلاوچیسی نینگ کوپه‌یتیریشیچه، زلزله یوز بیرگن منطقه‌لرده یشش اوی قوریلیش ایشی نینگ دوامی بار و اوشبو اوی‌لر نینگ قوریلیش ایشی یقین‌ده یکونلنیب و زلزلهدن زیان کورگن عایله‌لر گه تاپشیریله‌دی.
شونده‌ی بیرحالده، هرات ده زلزله طفیلی زیان کورگنلر گه ایریشیش مسئوللری گه کوره، زلزلهدن زیان کورگنلر اوچون نظر گه آلینگن ۳۶۶۰ یشش اوی‌دن، قریب بیر مینگ‌ته‌سی نهاد‌لر و سوداگرلر و باشقه‌سی ایسه اسلام امیرلیگی آرقه‌لی قوریلگن دیر.
