هرات ولایتی انجیل تومنی نینگ پروانه قیشلاغی یشاوچیسی شبیراحمد نینگ ایتیشیچه، حاضر ایسه مذکور قیشلاغ‌ده ۷۰۰ عایله چادر آستیده حیات کیچیرماقده.
اونینگ کوپه‌یتیریشیچه، حاضر هرات ولایتی انجیل تومنی نینگ پروانه قیشلاغیده ۳۰۰ یشش اوی نینگ قوریلیش ایشی دوام قیلماقده؛ بیراق مذکور زلزله‌ده اوی‌لری بیراز خراب بولگن ۴ یوز یشاوچی ایسه، اوی‌لری نینگ چپه بولیش خوفی طفیلی چادر آستیده حیات کیچیرماقده‌لر. شبیراحمد گه کوره: «اسلام امیرلیگی کیلیب زلزله‌دن زیان کورگنلر نینگ اوی‌لرینی سروی قیلگن. اوی‌لری بیراز خراب بولگنلر بو سروی گه شامل ایمس. حاضر اوشبو زیان کورگنلر ایسه بو اوی‌لرده حیات کیچیره آلمه‌یدیلر و مذکور اوی‌لر درز قیلگن و باله‌لر ایسه قورقه‌دی.»
بیزلرنینگ فیسبوک صحیفه‌میزگه باش اورینگ!
هرات ولایتی زنده‌جان تومنی نایب‌رفیع قیشلاغی یشاوچیسی بولمیش تاج بی‌بی نینگ ایتیشیچه، اویی نینگ کوپینچه بولیمی زیان کورگن، بیراق حاضرگچه اونگه اوی قوریلمه‌ی و تورت کیشی‌لیک عایله‌سی بیلن چادر آستیده حیات کیچیریش گه مجبور دیر.
اونینگ کوپه‌یتیریشیچه: «اویی‌میز خراب بولگن. سروی بولگن ایدی، بیراق حاضرگچه اویی‌میز نینگ قیته قوریلیشی اوچون هیچ ایش صورت تاپمه‌گن، بیزلر گه اوی قوریلمه‌گن. اقتصادی وضعیتی‌میز یخشی ایمس.»
شونده‌ی بیرحالده، هرات محلی مسئوللری نینگ ایتیشلریچه، کیله‌سی ایکی آیگچه هرات ده زلزله‌دن زیان کورگنلر گه ۳۶۰۰دن آرتیق یشش اوی قوریلیش ایشی نینگ یکونلنیشی ممکن.
هرات حاکمی سوزلاوچیسی نثاراحمد الیاس نینگ ایتیشیچه، حاضرگچه بو ولایت‌ده زلزله‌دن زیان کورگنلر گه آلتی‌دن آرتیق شهرچه قوریلیب و فایده‌لنیش گه تاپشیریلگن. «کیله‌سی ایکی آیگچه هرات ده زلزله‌دن زیان کورگنلر گه ۳۶۰۰دن آرتیق یشش اوی قوریلیش ایشی یکونلنیشی ممکن. اهالی نینگ اویی بوزیلگن و اوی‌لر نینگ قوریلیشی گه کوپراق نیا بار.»
بیزلرنینگ «ایکس» ترماغی ده هم تعقیب قیلینگ!
شونینگدیک بوندن آلدین زنده‌جان تومنی نینگ سنجاب، وردک‌ها و کجکال قیشلاغ‌لریده خیریه نهاد‌لر آرقه‌لی شهرچه‌لر قوریلگن دیر.
ایتیش کیره‌ک که، هرات ده اکتبر آیی نینگ ییتینچی و اون‌بیرینچی تاریخی‌ده یوز بیرگن زلزله‌لرده، بیر مینگ ۵۰۰ کیشی اولیب و قریب ایکی مینگ کیشی یره‌لنگن، شونینگدیک مذکور زلزله‌لر طفیلی کوپینچه کیشی اوی‌سیز بولگن.
