هرات محلی مسئوللری نینگ ایتیشلریچه، تورکیه مذکور ولایت گه انسان‌پرورلیک ۵۰۰ تُن‌لیک یاردم یوبارگن.
اولر گه کوره، اوشبو یاردم بوگون (یکشنبه، ۵-قوس)، هرات گه یوباریلگن و هرات ده زلزله‌دن زیان کورگنلر و ایران و پاکستان دن قیتگن یشاوچیلر گه ترقه‌تیلیشی ممکن.
هرات معلومات و مدنیت ریاستی باشلیغی احمد‌الله متقی نینگ ایتیشیچه، اوشبو یاردم‌لر ییگولیک ماده، کییم-کیچک، دارو، کمپل و چادر‌دن عبارت دیر.
بیزلرنینگ فیسبوک صحیفه‌میزگه باش اورینگ!
جناب متقی نینگ کوپه‌یتیریشیچه، مذکور یاردم‌لردن ۳۰۰ تُنی زلزله‌دن زیان کورگنلر و ۲۰۰ تُنی قوشنی مملکت‌دن قیتگن یشاوچیلر گه ترقه‌تیله‌دی.
شونده‌ی بیرحالده، هرات حاکمی نوراحمد اسلام‌جار، تورکیه ایلچی‌سی بیلن اوچره‌شگنی‌ده اوشبو مملکت بیلن اسلام امیر‌لیگی رابطه‌لری نینگ یخشی عنوان قیلیب و تورکیه دولتی‌دن یاردم‌لر گه علاوه، افغانستان‌لیک یشاوچیلر گه ویزا صادر بولینیشی خصوصیده هم جدی اعتبار قره‌تیلیشی نی ایسته‌یدی.
بیزلرنینگ «ایکس» ترماغی ده هم تعقیب قیلینگ!
هرات حاکمی نینگ کوپه‌یتیریشیچه، بویوک اقتصادی لایحه‌لر نینگ یولگه قوییش بیلن ییگیت‌لر مهاجرتی آلدی آلینیشی و رواجلنیش لایحه‌لرده اولر گه ایش زمینه‌سی یره‌تیلیشی خصوصیده سعی و حرکت قیله‌دیلر.
ایتیش کیره‌ک که، نیچه مدت آلدین، چین هرات ده زلزله‌دن زیان کورگنلر گه ۳۶۰ تُن ییگولیک ماده و کییم-کیچک یوبارگن ایدی.
