افغانستان ده بیرلشگن ملتلر تشکیلاتی خلقارا آزیق-آوقت دستوری نینگ ایتیشیچه، کیلهسی قیش موسومیده زیان کورهدیگن افغانستانلیکلر گه یاردم بیریش اوچون، ۴۰۰ میلیون دالر گه نیاز دیر.
اوشبو دستور بوگون (یکشنبه، ۲۱-عقرب)، ایکس صحیفهسیده یازیشیچه، کیلهسی قیش موسومیده افغانستان دهگی محتاج کیشیلر گه یاردم تیارلش اوچون نیچه هفتهلیک فرصت قالگن.
بیزلرنینگ «ایکس» ترماغی ده هم تعقیب قیلینگ!
افغانستان ده بیرلشگن ملتلر تشکیلاتی نینگ خلقارا آزیق-آوقت دستوری گه کوره، قیش موسومیده زیان کورهدیگن افغانستانلیکلر اوچون آزیق-آوقت تیارلش خصوصیده ۴۰۰ میلیون دالر گه نیاز دیر.
اوشبو دستور، قیش موسومی ییتیب کیلیشی و کوچلی قار یاغیشی مناسبتی بیلن، قیینچیلیکلر گه دوچ بولهدیگن منطقهلر گه یاردم بیریش خصوصیدده تأکید قیلگن.
بیزلرنینگ فیسبوک صحیفهمیزگه باش اورینگ!
خلقارا آزیق-آوقت دستوری، سونگی کونلر نیچه مرته افغانستان ده نیازمند کیشیلر گه یاردم بیریش اوچون مالی منبعلر کملیگیدن خبر بیرگن. گزارشلر اساسیده، حاضر ایسه ۲۹ میلیوندن آرتیق کیشی نینگ افغانستان ده انسانپرورلیک یاردملر گه احتیاجی بار.
بوندن آلدین هم، بیرلشگن ملتلر تشکیلاتی نینگ انسانپرورلیک یاردملر نی هماهنگ قیلووچی دفتری (اوچا)، قیش موسومیده هرات ده زلزلهدن زیان کورگن کیشیلر گه یاردم بیریش اوچون ایستهلگن ۹۳.۶ میلیون دالردن، ۲۶ فایزی تأمینلنگنی نی اُیتگن ایدی.