افغان قیزیل آی جمعیتی بوگون (دوشنبه، ۲۹-عقرب)، کابل ده کمبغل و محتاج ۵۰۰ عایله گه یاردم بیرگن.
کابل دهگی محتاج کیشیلردن سالمه گه کوره، بیش کیشیلیک عایله سرپرستی دیر، کمبغللیک باعث عایله اعضالری حتا کیچهلر آچ یاتهدیلر.
او، بوگون افغان قیزیل آی جمعیتی دفتری گه یاردم آلیش اوچون کیلگن ایتیشیچه: «بوگون بیز گه یاردم بیردیلر منتدارلیک بیلدیرهمیز، اولر دن بیز گه یاردم بیریشلرینی ایستهیمیز، قیش ییتیب کیلماقده و یاقیلغی ماده آلگن یوق من، اوزیم کسل من و دارو ساتیب آلیش گه توانیم یوق.»
بیزلرنینگ فیسبوک صحیفهمیزگه باش اورینگ!
بوگون افغان قیزیل آی جمعیتی دفتری گه یاردم آلیش اوچون کیلگنلردن باشقه رحیمه دیر.
او یاردم بیرووچی نهادلر دن، بو کبی یاردملر اورنیده یشاوچیلر گه ایش زمینهسی یرهتیلیشینی طلب قیلهدی.
اونگه کوره: «کمبغل و محتاج کیشیلر جمله دن ایرککلر و عیاللر گه ایش تاپیلسین، قیینچیلیک بولمسه اوی دن چیقیب تیلنچیلیک قیلمهی میز.»
عینحالده، افغانستان مرستونلر مسئوللری نینگ ایتیشلریچه، بوگون ۵۰۳ عایله گه، ایکی میلیون ۴۳۲ مینگ افغانی نقد پول توزیع قیلگنلر.
افغانستان مرستونلر باشلیغی الیاسخیل ناصری نینگ ایتیشیچه: «بوگون تورت یوللردن ییغیلگن تیلنچیلر و معتادلر برچهسی بادامباغ ده بایومتریک بولگن و اولر گه یاردم بیریلیش اوچون قیزیل آی جمعیتی گه تانیشتیریلهدی.»
بیزلرنینگ «ایکس» ترماغی ده هم تعقیب قیلینگ!
افغان قیزیل آی جمعیتی مسئوللری گه کوره، مملکت بویلب تیلنچیلر نینگ ییغیش جریانی باشلنگندن بیری ۹۲ مینگ دن آرتیق کیشی رویخط گه آلینگن، اولر ارا ۵۲ مینگ ۳۱۷ تهسی عیاللر و بالهلر شامل مسلکی تیلنچی تانیلگن.
افغان قیزیل آی جمعیتی نینگ سکرتر جنرالی عبدالطیف ثابت گه کوره، افغانستان ده تیلنچیلر نینگ ییغیش جریانی باشلنگندن حاضرگچه، اوشبو نهاد قریب ۲۰ مینگ محتاج کیشی گه یاردم بیرگن.
او نینگ کوپهیتیریشیچه: «افغان قیزیل آی جمعیتی تیلنچیلر گه یاردم بیرگن، اولر نینگ کیملیگی انیقلنگندن کیین یاردم کورسه تیلهدی و ۳۴ ولایت ده ۹۲ مینگ ۱۵۲ عایله نینگ سرپرستلری بایومتریک و رویخط گه آلینگن.»
ایتیش کیرهک، مملکت بویلب تیلنچیلر نی ییغیش جریانی باشلهنیشیدن بیر ییل اوتگچ، حاضر هم قطار کیشیلر ینگی اسلوبلر بیلن تیلنچیلیک قیلماقدهلر.