سونگی سوو تاشقین‌لر نتیجه‌سیده اوی‌لری و ایکینزارلری نی قولدن بیرگن عایله‌لردن قطاری نینگ ایتیشلریچه، حاضرگچه هیچ قنده‌ی یاردم قولگه کیلتیرمه‌گنلر.
کاپیسا ولایتی یشاوچیلریدن عبدالقادر نینگ ایتیشیچه، اوشبو ولایت‌ده سوو تاشقین‌لر سبب، ۱۰۰ته یشش اوی گه زیان ییتیشیب، ۶۰ باش چاروه ایسه تلف بولگن دیر.
اونگه کوره، محلی رسمی‌لر زیان کورگنلر گه همکارلیک خصوصیده سوز بیرگنلری بیرحالده، بیراق حاضرگچه اولر گه یاردم‌لر ییتیشمه‌گن.
بیزلرنینگ فیسبوک صحیفه‌میزگه باش اورینگ!
عبدالقادر نینگ کوپه‌یتیریشیچه: «سوو تاشقین‌لر ایکینچیلیک ییرلر نی بوزگن و یشش اوی‌لر گه هم سوو کیتگن. اسلام امیر‌لیگی‌دن تیزلیککه یاردم بیریلیشی نی ایسته‌یمیز.»
لوگر نینگ ازره تومنی یشاوچیسی قدرت‌الله نینگ ایتیشیچه، اوتگن نیچه کون جریانیده‌گی سوو تاشقین‌لر، اهالی گه کوپینچه زیان ییتیشتیرگن، بیراق زیان کورگن کیشی‌لر گه حاضرگچه یاردم بیریلمه‌گن.
او حکومت و یاردم بیرووچی نهاد‌لردن زیان کورگنلر گه یاردم بیریلیشی نی ایسته‌گن.
شونینگدیک میدان‌وردک یشاوچیسی و اوشبو ولایت قوم بویوک‌لریدن شکر‌الله نینگ ایتیشیچه، اوتگن نیچه کون جریانیده‌گی سوو تاشقین‌لر نتیجه‌سیده، اهالی اوی‌لری ویران بولیب و زیان کورگنلر اوی‌سیز-جای‌سیز قالگن دیر.
اونینگ کوپه‌یتیریشیچه: «میدان‌وردک‌‌ده، چک، دای‌میرداد، سید‌آباد، نرخ و شهر میدان تومن‌لریده سوو تاشقین‌لر، اهالی گه کوپینچه زیان ییتیشتیرگن و شونینگدیک اوشبو سوو تاشقین نتیجه‌سیده اهالی گه جانی و مالی زیان ییتیشگن. اوی‌لر خراب بولیب و اهالی کوپینچه یاردم گه نیازی بار.»
شونده‌ی بیرحالده، طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، مملکت‌ده اوتگن تورت کون جریانیده‌گی یاغیشلر و سوو تاشقین‌لر نتیجه‌سیده، ۷ کیشی اولیب و ۹ کیشی ایسه یره‌لنگن.
بیزلرنینگ توییترده هم تعقیب قیلینگ!
طبیعی آفت‌لرنی باشقریش ایشلری بوییچه دولت وزیرلیگی سوزلاوچیسی شفیع‌الله رحیمی نینگ ایتیشیچه، سونگی سوو تاشقین‌لر نتیجه‌سیده ۳۰۰ یشش اوی مکمل و قسما تخریب بولگن.
اونینگ کوپه‌یتیریشیچه: «طبیعی آفت‌لرنی باشقریش ایشلری بوییچه دولت وزیرلیگی رهبری، برچه ولایتی رئیس‌لر گه سوو تاشقین‌لرده زیان کورگن کیشی‌لر گه یاردم بیریلیشی خصوصیده هدایت بیرگن.»
ایتیش کیره‌ک که، اوتگن نیچه کون جریانیده مملکت نینگ قطار ولایت‌لریده یاغیشلر و سوو تاشقین‌لر، اهالی گه کوپینچه جانی و مالی زیان ییتیشتیرگن.
