طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیش‌لریچه، اوتگن بیر آی‌دن بویان مملکت نینگ بیر قطار ولایت‌لریده یوز بیرگن طبیعی حادثه‌لر نتیجه‌سیده، ۴۲ کیشی اولیب و ۴۵ کیشی ایسه یره‌لنگن.
مذکور وزیرلیک مسئوللری گه کوره، یوز بیرگن سوو تاشقین‌لرده یوزلرچه یشش اوی ویران و ۱۹ مینگ‌دن آرتیق ایکینچی‌لیک ییر ایسه اورته‌دن کیتگن.
اوشبو وزارت سوزلاوچیسی شفیع‌الله رحیمی نینگ سلام‌وطندار گه ایتیشیچه: «جاری آی جریانیده ۱۵ مینگ عایله گه یاردم بیردیک. بیر آی‌ده ۴۲ کیشی اولگن، ۴۵ کیشی یره‌لنگن، ۳۴۱ یشش اوی ویران بولیب، ۱۹مینگ‌دن آرتیق ایکینچی‌لیک ییر اورته‌دن کیتگن. کاپیسا، میدان‌وردک، تخار، بدخشان، غور، قندهار، کنر، نورستان، لغمان و پکتیکا اوشبو طبیعی آفت‌لردن زیان کورگن ولایت‌لردن دیر که، مذکور ولایت‌لرده‌گی زیان کورگنلر گه آزیق-آوقات و نقد پول یاردم بیریلگن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، طبیعی آفت‌لردن زیان کورگنلردن قطاری، اسلام امیر‌لیگی و یاردم بیرووچی نهاد‌لر تامانیدن صورت تاپگن یاردم‌لر نی ییترلی بیلمه‌ی بیراق ایتیش‌لریچه، اوشبو یاردم‌لر اولر نینگ حیات‌لری خصوصیده هیچ قنده‌ی تغییر کیلتیرمه‌گن.
عین حالده، غور ولایتی‌ده یوز بیرگن سونگی سوو تاشقین‌لردن زیان کورگن کیشی‌لردن خیرالدین نینگ ایتیشیچه، سوو تاشقین‌لر نتیجه‌سیده، ۴ عایله عضوی نی قولدن بیرگن و دولت اولر گه یالغیز خیمه و کمپل یاردم بیرگن دیر.
خیرالدین نینگ کوپه‌یتیریشیچه: «آنه‌م و همسرم نی قولدن بیردیم؛ ۲۸ یا-ده ۲۹ کون‌لیک چقه‌لاغیم نی قولدن بیردیم. سینگیلیم نی قولدن بیردیم. شونینگدیک بیر سینگیلیم ایسه یر‌لنگن. بیر دانه خیمه بیلن بیر دانه کمپل بیرگنلر و باشقه هیچ یاردم بیرلمه‌گن.»
شونینگدیک میدان‌وردک و کاپیسا ولایت‌لریده سونگی سوو تاشقین‌لردن زیان کیشی‌لردن قطاری، اسلام امیر‌لیگی مسئوللریدن سوو تاشقین‌ده زیان کورگنلر بیلن، اوی‌لری و ایکینچی‌لیک ییرلری نینگ توزه‌تیلیشی خصوصیده همکارلیک قیلیش‌لری نی ایسته‌گنلر.
سونگی سوو تاشقین‌لردن زیان کورگن میدان‌وردک یشاوچیسی شکرالله نینگ ایتیشیچه: «میدان‌وردک نینگ برچه تومن‌لریده سوو تاشقین‌لر نتیجه‌سیده، اهالی گه جانی و مالی زیان ییتیشگن. اهالی یاردم و همکارلیککه نیازی بار.»
سونگی سوو تاشقین‌لردن زیان کورگن کیشی‌لردن باشقه بیری کاپیسا یشاوچیسی احمد نینگ ایتیشیچه: «زیان کوردیک، اوی، چاروه و ایکینچی‌لیک ییرلریمیز ویران بولدی. ییترلیچه یاردم بیریلمه‌گن. کوپراق یاردم بیریلیشی کیره‌ک. کمبغل اهالی‌میز و اوی‌لریمیز نی قیته توزه‌تیش گه کوچی‌میز ییتیشمه‌یدی.
بیزلرنینگ توییترده هم تعقیب قیلینگ!
شونده‌ی بیرحالده، ایکینچی‌لیک بیلرمان‌لری سوو تاشقین‌لر نتیجه‌سیده مینگ‌لرچه ایکینیچی‌لیک ییرلر نینگ ویران بولگنی‌دن خواطر بیلدیریب و ایتیش‌لریچه، افغانستان بو ییل کوپینچه احتمال بیلن بوغدای کم‌لیگی و اون بهاسی نینگ یوقاری کیتیشی بیلن روپه‌ره بولیشی ممکن.
ایکینچی‌لیک بیلرمانی و بیلیم یورت اوقیتووچیسی محمد‌ظریف شریفی نینگ ایتیشیچه: «بوغدای افغانستان اهالی‌سی نینگ اصلی محصول‌لریدن دیر، سوو تاشقین‌لر ایکینچی‌لیک ییرلردن کوپینچه‌سی گه زیان ییتیشتیره‌دی. بو ییل بوغدای کم‌لیگی بیلن روپه‌ره بولیشیمیز ممکن. شونینگدیک بو ییل باشقه مملکت‌لردن بوغدای وارد بولیشی گه نیاز تاپیب و بازارده اون نرخی یوقاری کیتیشی ممکن.»
ایتیش کیره‌ک که، مملکت‌ده یوز بیرگن سونگی سوو تاشقین‌لر جانی و مالی زیان‌لر یانیده، شونینگدیک سوو ییتکزیش کانال‌لر و قتناو یوللر گه هم زیان یتیشتیرگن.
