پروان محلی مسئوللری نینگ ایتیشلریچه، سه‌شنبه کونی، ۸ حمل، اوشبو ولایت نینگ مرکزی چاریکار شهری ده سوو تاشقینی عاقبتیده، دهقان‌لر و محل یشاوچیلری آغیر مالی زیان کورگنلر. اولر گه کوره، کوچلی یامغیر و ژاله یاغیشی باعث مذکور شهر یشاوچیلری و دهقان‌لر نینگ ایکینزار ییرلری گه کوپ زیان ییتکیزگن.
پروان حاکمی سوزلاوچیسی سیدحکمت‌الله شمیم نینگ سلام‌وطندار گه ایتیشیچه: «جانی و مالی تلفات و زیان‌لری حقیده حاضرگچه انیق معلومات بیریلمه‌گن؛ بیراق چاریکار شهری نینگ ایشی یریم قالگن چوکی بیر بولیمی، قاچقینچیلر ریاستی، سرک بوییده‌گی قول ساتووچیلر کراچی‌لری، کوپریک‌لر و اوشبو شهر ده‌گی قطار یشش اوی‌لر، سوو تاشقینی باعث بوزیلگن.»
بیزلرنینگ فیسبوک صحیفه‌میزگه باش اورینگ!
جناب شمیم، یول بوییده‌گی اریغچه‌لر تارلیگینی دکان‌لر و یشش اوی‌لر، سوو و لای دن تولیش دلیلی عنوان قیله‌دی.
عین‌حالده، پروان طبیعی آفت‌لرنی باشقریش ایشلری بوییچه ریاست باشلیغی عبدالعلیم احمد، مذکور ولایت ده یوز بیرگن سوو تاشقینی عاقبتیده قطار دکان‌لر، ۳۵ ته یشش اوی و سرک بوییده‌گی قول ساتووچیلر نینگ کراچی‌لری گه مالی زیان ییتکیزگنینی معلوم قیله‌دی. او نینگ کوپه‌یتیریشیچه: «اوشبو سوو تاشقین‌لری عاقبتیده، ۱۰ کوپریک و نیچه متر سرک بوزیلگن؛ بیراق سوو تاشقین‌لری باعث زیان‌لر حقیده حاضرگچه انیق معلومات بیریلگن یوق.»
باشقه تاماندن، پروان امنیه قوماندانی عزیزالله عمر گه کوره، اوشبو قوماندان‌لیک نینگ اطفائیه تیمی، یشش اوی‌لرده‌گی سوونی بوشه‌تیش اوچون محل گه ییتیب بارگن.
بیزلرنینگ توییترده هم تعقیب قیلینگ!
چاریکار شهری یشاوچیلری، سرک‌لر و یول بوییده‌گی اریغچه‌لر تارلیگینی یشش اوی‌لر گه سوو کیریب باریشی عاملی عنوان قیله‌دیلر، اولر احوال‌لریدن نالیب و اسلام امیرلیگی دن قیینچیلیکلری حلی اوچون دقت قیلیشینی سوره‌یدیلر. اولر گه کوره، حکومت اولر نینگ قیینچیلیگی حلی اوچون دقت قیلمه‌گن تقدیرده، هر ییلی طبیعی آفت‌لر باعث کوپ زیان کوریش‌لری ممکن.
بونگه علاوه، ژاله یاغیشی باعث گلغندی تیپه‌سی ارغوان گل‌لری و میوه‌لی درخت‌لر نینگ گل‌لری ییر گه توکیلیب و زیان کورگن.
