فاریاب ده‌گی محلی منبع‌لر نینگ سلام‌وطندار گه ایتیشلریچه، سه‌شنبه کونی، ۲۷ جدی، اوشبو ولایت نینگ گرزیوان تومنیده سوو تاشقینی باعث، ۴ مینگ عایله نینگ یولی توسیلیب و مذکور تومن یشاوچیلرینی تورلی خیل قیینچیلیکلر بیلن روپه‌ره قیلگن.
گرزیوان تومنی بویوک‌لریدن محمداکرم گه کوره، سه‌شنبه کونی عصر چاغی اوشبو تومن نینگ «جرقلعه» قیشلاغیده قار و موزلر ییریشی باعث سوو تاشقینی یوز بیریب و اهالی نینگ قتناو یولینی یاپگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، سوو تاشقینی برچه قار و موزنی عامه قتناو یوللری ده اوشبو قیشلاق نینگ ایکی قسمتیده توپلب و قتناو یول نی موتر، ایشک و حتا پیاده‌لر اوچون یاپیب قویگن.
گرزیوان تومنی یشاوچیلری نینگ کوپه‌یتیریشیچه، «جرقلعه» قیشلاغیده قریب ۴ مینگ عایله تیریچیلیک قیلماقده و حاضر جدی قیینچیلیک بیلن روپه‌ره بولگنلر.
مذکور قیشلاق یشاوچیلری نینگ ایتیشلریچه، یوللر توسیلگن و اهالی اوز اوی‌لری ده بند قالگن. اولر گه کوره، قتناو یوللرنی تازه‌لش اوچون اوشبو تومنده ییترلی امکانیت یوق دیر.
بیزلرنینگ توییترده هم تعقیب قیلینگ!
بوتوغریده فاریاب طبیعی آفت‌لرنی باشقریش بوییچه ریاست مسئوللری نینگ فکر_ملاحظه‌سینی اورگه‌نیشنی ایسته‌دیک؛ لیکن موفق بولمه‌دیک.
