کابل-لوگر قتناو یولی هیداوچیلریدن قطاری نینگ سلام‌وطندار گه ایتیشلریچه، بو قتناو یول موترلری اوچون کابل و لوگر مرکزی پل‌علم شهری‌ده بیللی بیکتلر یوقلیگی، اولر نی کوپینچه قیینچیلیک بیلن روپه‌ره قیلگن.
اولر گه کوره، بو قیینچیلیک سبب اولر لوگر و کابل تامان باریب-کیلیش چاغیده یولاوچی تاپیش خصوصیده قیینچیلیک بیلن روپه‌ره بوله‌دیلر. مذکور هیداوچیلر محلی مسئوللردن قوله‌ی شکلده یولاوچی تاپیشلری خصوصیده کابل-لوگر قتناو یولی موترلری اوچون بیللی بیکتلر قوریلیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
بو قتناو یولی هیداوچیلریدن بیری صابر نینگ ایتیشیچه: «لوگر ده هم بیکت یوق؛ کابل ده هم. شونینگدیک یولاوچی آلیش اوچون ترافیک هم رخصت بیرمه‌یدی و خوفسیزلیک کوچلری هم. هیداوچیلردن قطاری کابل نینگ چوکی‌دن و بیر قطاری ایسه بینی‌حصار‌دن یولاوچی آله‌دیلر. قیینچیلیک بیلن روپه‌ره‌میز.»
کابل-لوگر قتناو یولی‌ده بیش ییل‌دن بیری هیداوچیلیک قیله‌دیگن وارث نینگ ایتیشیچه: «بیکت یوق، قیین بیر شکلده یولاوچی آله‌میز. هر کون ترافیک یا-ده خوفسیزلیک کوچلری موتر تایری نی تیشه‌دیلر؛ بیزلر نی هر تامان گه یوباره‌دیلر.»
شونینگدیک کابل-لوگر قتناو یولی‌ده‌گی هیداوچیلردن باشقه بیری صفی‌الله نینگ ایتیشیچه، ترانسپورت و هوانوردلیک وزیرلیگی قتناو یول‌لرده اوتیب-قیتیش چاغیده هیداوچیلردن اوتیش حقی نی آله‌دیلر؛ لیکن هیداوچیلر اوچون آسایشته‌لیک یره‌تمه‌گن.
او ترافیک و خوفسیزلیک کوچلریدن شکایت قیلیب ایتیشیچه، کونده یولاوچی تاپیش چاغیده موترلری گه زیان ییتیشتیریب و کوپینچه پیت ایسه موتر نی خوفسیزلیک حوزه گه انتقال بیره‌دیلر.
او می‌افزاید: «دولت ۴۰ تا ۵۰ افغانی می‌گیرد؛ از مسافر خبری نیست. یک بار این طرف، یک بار طرفی دیگر روان می‌کنند. موترهای ننگرهار و کندهار از این جا مسافر می‌گیرند و هیچ کس پرسان نمی‌کند.»
شونده‌‌ی بیرحالده، لوگر محلی مسئوللری کابل-لوگر قتناو یولی موترلری اوچون بیللی بیکتلر یوقلیگی قیین‌چیلیگی نی تصدیق‌لب ایتیشیچه، بو قیینچیلیک نینگ تیزلیککه حل بولیشی ممکن.
بیزلرنینگ فیسبوک صحیفه‌میزگه باش اورینگ!
لوگر معلومات و مدنیت باشلیغی رفیع‌الله صمیم نینگ ایتیشیچه: «بو قیینچیلیک بار؛ بو توغریده ولایت مقامی بیلن صحبت قیلگن‌‌میز و تیزلیککه بو قیینچیلیک حلی اوچون اقدام بولیشی ممکن. ترانسپورت وزیرلیگی آٰقه‌لی هر بیر مناسب ییر انتخاب بولسه، هیداوچیلر نینگ توجه قیلیشی خصوصیده امید قیله‌میز.»
۶۵ کیلومتر اوزون‌‌لیگی بولگن کابل-لوگر قتناو یولیدن، کونده یوزلب یوک تاشووچی و یولاوچی تاشووچی تیزرفتار موترلر نینگ اوتیب قیتیشی بیرحالده؛ بیراق بو موترلر اوچون بیللی بیکتلر یوقلیگی اوشبو قتناو یولده‌‌گی هیداوچیلردن قطاری نی قیینچیلیک بیلن روپه‌ره قیلگن.
