کابل ده یاش‌لر گروهی، رضاکار شکلده محتاج کیشیلر گه یاغاچ کومیر توزیع قیلیش جریانینی باشله‌گنلر و اوشبو برنامه دن مقصد قشاق کیشی‌لرنی قوللب_قوتلش دییلگن. مذکور برنامه ده ۲۵۰ دن آرتیق کمبغل عایله گه یاغاچ کومیر توزیع بولگن‌لیگی ایتیلگن.
اوشبو برنامه پنج‌شنبه کونی، ۱۵ جدی، اسلام امیرلیگی باش وزیرلیگی نینگ اقتصادی اورین باسری عبدالغنی برادر، کابینه قطار اعضالری، معین‌لر، باشلیغ‌لر و محتاج عایله‌لردن بیرقطاری نینگ حضوری بیلن یولگه قوییلدی.
رضاکار اعضالریدن محمدصمیم غیرت نینگ سلام‌وطندار گه ایتیشیچه، مذکور برنامه دن مقصد، قیش موسومیده تورلی خیل قیینچیلیک بیلن دوچ بولگن قشاق کیشی‌لرنی قوللب_قوتلش دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «یشاوچیلر نینگ احوالی آغیر دیر، هر تاماندن روحی و اقتصادی قیینچیلیک بیلن دوچ دیر. بو بیزنی بیرینچی برنامه‌میز ایمس و آخرگیسی هم ایمس دیر. بیز کیینگی برنامه‌میزده ییگولیک ماده توزیع قیله‌میز، توانیمیز بار ایکن سعی و حرکت قیله‌میز.»
کابل یشاوچیلریدن رافعه نینگ ایتیشیچه، تورت فرزندی بار و اجاره اوی ده یشه‌ماقده. اونینگ کوپه‌یتیریشیچه، تورموش اورتاغی تخمیناً ۱۰ ییل دن بویان کراچی ده ترکاری ساته‌دی؛ لیکن اوشبو درآمدی بیلن روغار خرجتینی تأمینله‌ی آلمه‌یدی.
اونگه کوره: «بیز اجاره اوی ده یشه‌یمیز، قیش موسومی ییتیب کیلیشی بیلن کسل‌لیکلر کوپیه‌دی. قیش بیرینچی آی ده بخاری و یاقیلغی ماده‌میز بولسه، نیگه کسل بوله‌یدیک؟ حاضر اوشبو تاش کومیردن خورسندمیز و یاردم بیرووچی‌لردن منتدارلیک بیلدیره‌میز.»
قشاق کیشی‌لردن باشقه بیری فاضله، ۱۰ کیشی‌لیک عایله ده حیات کیچیرماقده ایتیشیچه، یالغیز تورموش اورتاغی عایله‌سی نینگ خرجتینی تأمینله‌یدی و سرک یانیده سماواری بار.
او قیینچیلیکلریدن حکایت قیلیب ایتیشیچه: «حیاتیمیز بی‌چاره‌لیک بیلن اوتماقده، بو یاردم‌لر جمله دن بیر بوجی تاش کومیر بیز اوچون ییترلی ایمس. هر کونی سماواردن کیله‌دیگن درآمد حتا سماوار یاغاچینی تولدیرمه‌یدی و تورت قوریق نانیمیز بوله‌دی. مین و فرزندلریم آچ یاتگن کیچه‌لریمیز هم بار.»
بیزلرنینگ توییترده هم تعقیب قیلینگ!
ایری بولمه‌گن باشقه کمبغل کیشی‌لردن نرگس، اوچ قیزی و ایکی اوغلی بیلن تیریکچلیک قیلماقده. بیر قیزی کسل و اوغیل‌لریدن بیری بوندن آلدین سپورتچی ایدی، حاضر اقتصادی قیینچیلیک باعث معتاد بولگن و او ایسه خاتینی و فرزندلرینی باقه‌دی.
نرگس گه کوره، آچ قارین بیلن کیچه‌لرنی تانگادتیرگن: «قوشنی‌لریمیز فرزندلریم و اوزیم آچلیگیمنی کوریب یاردم بیرگن کونلری بار. هر آته و آنه فرزندلری یخشی حیات کیچیریب و قارین‌لری تاق بولیشنی ایسته‌یدی.»
