پاکستان میدیالری نینگ معلوماتی اساسیده، اوشبو مملکت باش وزیری شهباز شریف، پاکستان گه افغانستان نینگ تاش کومیری کلدار بیلن معامله بولیش بویروغینی بیرگن.
میدیالر نینگ معلوماتی گه بناً، پاکستان باش وزیری شهباز شریف بیر ییغینده، ارزان برق ایشلب چیقریش و قیمت بها نرخ‌نی سقلش اوچون بونده‌ی بویروغ بیرگن. بونگه علاوه، پاکستان نینگ وارداتی لایحه‌سیده هر ییلی کمیده ۲.۲ میلیارد دالر صرفه‌جویی لیک بوله‌دی.
بیزلرنینگ فیسبوک صحیفه‌میزگه باش اورینگ!
مذکور ییغینده پاکستان باش وزیری، افغانستان دن تاش کومیر انتقالی قوله‌ی لشتیریلیشی اوستیگه تأکیدلب و مذکور مملکت نینگ تیمیر یولی وزیرلیگیگه، وارداتی تاش کومیر انتقالی اوچون برچه چاره تدبیر کوریلیش بویروغینی بیرگن.
او شونینگدیک، پاکستان مدافعه وزیری خواجه آصف ییتکچیلیگیده، افغانستان دن تاش کومیر وراداتینی تیزلشتیریش اوچون بیر کمیته تشکیل ایتیلیش بویروغینی بیرگن.
عین‌حالده، افغانستان نینگ تاش کومیری قویی نرخ ده پاکستان گه صادراتی کوچه‌یشی گه عاید گزارش‌لر ترقه‌لگن. پاکستان رسمی‌لری نینگ ایتیشلریچه، اسلامی امارت خارجی درآمد اوچون بو ایشنی قیلگنلر.
بیزلرنینگ توییترده هم تعقیب قیلینگ!
بوندن آلدین، کابل ده‌گی تاش کومیر ساتووچیلریدن قطاری سلام‌وطندار بیلن اوتکزگن صحبت‌لریده، اسلامی امارت حاکمیتیدن کیین تاش کومیر نرخی و صادراتی مثل‌سیز درجه ده آشکنینی ایتگن ایدیلر. اولر گه کوره، اوتمیش گه نسبتن مملکت بویلب تاش کومیر قیمتی ایکی برابر بولیب و اولر نینگ ایشی گه زیان ییتکیزگن.
