پاکستان‌ده سرپرست حکومت ایلچیسی سردار احمد شکیب نینگ سلام‌وطندار گه ایتیشیچه، اۉتگن کون اوشبو مملکت نینگ افغانستان ایشلری بوییچه مخصوص وکیلی آصف درانی بیلن اۉچره‌شووده، پاکستان نینگ افغانستان گه هجوم‌لری تکرار بولمسلیگی حقیده کېلیشگنلر.
سردار احمد شکیب نینگ ایتیشیچه: اۉتگن کون پاکستان نینگ افغانستان ایشلری بوییچه مخصوص وکیلی آصف درانی بیلن اۉچره‌شدیم، بو اۉچره‌شووده پاکستان نینگ سۉنگی اۉیوشتیرگن هجوم‌لری محاکمه قیلیندی و کېله‌جک‌ده بو کبی واقعه تکرار بولمسلیگی حقیده کېلیشیلدی.»
اسلام امیرلیگی و پاکستان حربی کوچلری، اۉتگن ییل ۲۸ حوت‌ده، پاکستان نینگ پکتیکا و خوست ولایت‌لری نینگ اېریم قسمت‌لریده هوا هجومی دن سۉنگ، دیوریند چېزیغی‌ده قیسقه مدتلی آتیشمه گواهی اېدیلر.
بیزلرنینگ فیسبوک صحیفه‌میزگه باش اورینگ!
۳-حمل، جمعه کونی اسلام امیرلیگی ایلچیسی و پاکستان وکیلی، پاکستان و اسلام امیرلیگی مناسبتیده‌گی قیینچیلیک حلی و افغانستان همده پاکستان نینگ اقتصادی و سوداگرلیک مناسبتی یخشی‌لنیشی حقیده بحث اېتگنلر.
پاکستان‌ده اسلام امیرلیگی ایلچیسی نینگ کوپه‌یتیریشیچه، آصف درانی بیلن یقینده پاکستان سوداگرلیک وزیرلیگی نینگ هیئتی افغانستان گه سفر قیلیش مسئله‌سی حقیده بحث اېتگن.
اونگه کوره: «یقینده پاکستان سوداگرلیک وزیرلیگی نینگ یوقاری مرتبه‌لی هیئتی کابل گه سفر قیلیشی کوتیله‌دی، اوشبو هیئت بو سفر ده سوداگرلیک و ترانزیتی مسئله‌لر نی محاکمه قیلیشی ممکن.»
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، ایش بیلرمان‌لردن بیرقطاری افغانستان و پاکستان نینگ یوزمه یوز آتیشمه‌سینی ایکّی مملکت نینگ ضرری گه دیب و پاکستان‌دن افغانستان بیلن قیینچیلیگینی دیپلماتیک مذاکره بیلن حل قیلیشنی سۉره‌یدیلر.
سیاسی و حربی ایش بیلرمان عزیز استانکزی نینگ ایتیشیچه: «ایکّی مملکت نینگ مناسبتی کېسکین‌لشگن، حتا پاکستان تامانیدن افغانستان گه هجوم بولیش تهدیدی گه قدر، پاکستان حکومتی دقت قیلیب و افغانستان ایشلری گه اره‌لشمسلیگی کېره‌ک، بو معمالرنی دیپلماتیک یول بیلن حل قیلیشی درکار.»
سۉنگی ایکّی ییل‌ده اسلام امیرلیگی و پاکستان حکومتی نینگ مناسبتی، چېگره‌لر یاپیلیشی‌دن آلیب ایکّی تامان آره‌سیده آتیشمه یوز بیریشی گه قدر اېریم معمالر بیلن دوچ بولگن.
