خلق‌ارا نجات کمیته‌سی(IRC)، افغانستانده توییب آوقات‌لنمه‌سلیککه چلینگن باله‌لر نینگ سانی کوپه‌گینی خصوصیده، خواطر بیلدیریب و اوشبو مملکتده انسانی فاجعه یوزبیریشیدن آگاه‌لنتیرگن. مذکور کمیته بیر گزارش ترقه‌تیب ایتیشیچه، افغانستانده اوتگن بیر آیده توییب آوقات‌لنمه‌سلیککه چلینگن باله‌لر سانی ۳۰ فایز کوپه‌یگن.
خلق ارا نجات کمیته‌سی نینگ کوپه‌یتیریشیچه، اوتمیش میلادی ییل نینگ نوامبر و دسامبر آییده، خوست ولایتیده توییب آوقات‌لنمه‌سلیک خطری ۳۰ برابر و هرات ولایتیده ایکی برابر بولگن. اوشبو کمیته نینگ آگاه‌لنتیریشیچه، مذکور باله‌لر درست و وقتیده مراقبت بولمه‌گن صورت‌ده، اولر نینگ اولیم میزانی مناسب وزن گه ایگه بولگن باله‌لردن ۱۱ برابر کوپ دیر.
بیزلرنینگ فیسبوک صحیفه‌میزگه باش اورینگ!
مذکور کمیته گه کوره، افغانستان مرکزی بانک نینگ سرمایه‌لری باغلنگنی، بازارلرده پول کملیگی گه سبب بولیب و سوداگرلر ایشلاوچیلری نینگ حقوقی نی توله‌ش گه قادر ایمسلر، که نهایت‌ده شونینگدیک اولر نینگ عایله‌لری ییترلی ییگولیک ماده گه قول تاپه‌آلمه‌یدیلر.
خلق ارا کمیته نینگ تحقیقی اساسیده، کیله‌جک ۶ آیده افغانستان یشاوچیلریدن ۳۸ میلیون ته‌سی آچ‌لیک چیزیغی آستیده قرار تاپیشی ممکن که بولردن ۹ میلیون ته‌سی قحط‌چیلیک خطری بیلن روپه‌رو بولیشی ممکن.
شونینگدیک خلق ارا نجات کمیته نینگ ایتیشیچه، سونگی ۵ ییلده افغانستانده ییگولیک ماده بهاسی نظیری کوریلمه‌گن درجه‌ده کوپه‌یب و اوتمیش ییل نینگ دسامبر آییده بوغدای، اون و یاغ بهاسی اوشه ییل نینگ جون آیی‌گه قره‌گنده، ۵۰ فایز کوپه‌یگن.
اوشبو کمیته خلق ارا جماعه‌دن افغانستان یشاوچیلری گه ییمک، دارو و پول فراهم قیلیش اوچون تیزلیککه بیر حل یول آختره‌شی نی سوره‌گن.
عامه ساغلیک وزیرلیگی نینگ معلوماتی اساسیده، حاضر افغانستانده ۵ یاشر آستیده‌گی باله‌لردن ۳ میلیون‌دن آرتیغی توییب آوقات‌لنمه‌سلیککه روپه‌رو دیر.
بیزلرنینگ توییترده هم تعقیب قیلینگ!
