اندراگاندی باله‌لر کسلخانه‌سی مسئوللری، باله‌لر آره‌سیده توییب آوقت‌لنمسلیک کوپه‌یگنیدن خواطر بیلدیریشگن.
اندراگاندی کسلخانه‌سی رئیسی نورالحق یوسفزی نینگ سلام‌وطندارگه ایتیشیچه، سونگی ییل‌لرده توییب آوقت‌لنمسلیککه چلینگن باله‌لر سانی ۵۰ ته‌دن یوقاری ایمس ایکن، بیراق بو ییل اینیقسه سونگی ایکی آیده بو کسلخانه گه مراجعت قیله‌دیگن باله‌لرنینگ کوپینچه‌سی توییب آوقت‌لنمسلیککه چلینگن باله‌لر دیر.
اوشبو کسلخانه رئیسی بیلن صحبت اوتکزگندن کیین، توییت آوقت‌لنمسلیککه چلینگکن باله‌لرنینگ دارولش مرکزی گه باش اوردیم. بیر باقیش گه بیر آنه نی کوردیم که نیچه دقیقه آلدین اوچ یاشر باله‌سینی توییب آوقت‌لنمسلیک باعث قولدن بیرگن ایکن.
مذکور باله نینگ آنه‌سی شنکی نینگ ایتیشیچه، تورت آیدن بویان ییترلیچه آوقت گه قول تاپه آلمه‌گنلر که نتیجه‌ده، اوچ یاشر باله‌سینی توییت آوقت‌لنمسلیک باعث قولدن بیرگن.
بیزلرنینگ فیسبوک صحیفه‌میزگه باش اورینگ!
مذکور کسلخانه‌ده باله‌لری نینگ بستری قیلگن آنه‌لر، باله‌لردن حمایت قیلووچی نهادلردن یاردم بیریش‌لرینی سوره‌گن.
کابل عامه تغذیه رئیسی محمدوزیر حامد نینگ ایتیشیچه، توییب آوقت‌لنمسلیککه چلینگن باله‌لرگه یاردم بیریش اوچون برنامه‌لری بار و شونینگدیک باله‌لردن حمایت قیلووچی نهادلردن بو توغریده اولرگه یاردم بیریش‌لرینی سوره‌گن.
مملکت باله‌لری آره‌سیده توییب آوقت‌لنمسلیک کوپه‌یگن بیرحالده، بیرلشگن ملتلر تشکیلاتی نینگ باله‌لردن حمایت قیلووچی صندوغی یا یونیسف نیچه کون آلدین بو وضعیت توغریسیده آگاه‌لنتیریب و ایتدی که افغانستان باله‌لری آره‌سیده اوشبو کسل‌لیک نینگ آلدی آلینمه‌گن صورتده، کمیده یریم میلیون باله نینگ اولیشی ممکن.
