بیرلشگن ملتلر تشکیلاتی نینگ باش کاتبی آنتونیو گوتریش، سعودی عربستان ییتکچیلیگیده ائتلاف کوچلری نینگ حوثیلر گروهی کنترولیدهگی یمن حدودلری ده اویوشتیریلگن هجوملرنی قاره لهدی.
گزارشلر اساسیده، اوتگن کونی سعودی عربستان ییتکچلیگیده یمنده بیر قماقخانه اوستیده اویوشتیریلگن هجوملرده تینچ اهالی شامل، اونلب کیشی اولیب یرهلنگن.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی بیر بیانیه ترقهتیب ایتیشیچه، تینچ اهالی و ملکی آستقورمهلر نشانگه آلینیشی خلقارا قانون-قاعدهلرگه قرشی دیر. بیرلشگن ملتلر تشکیلاتی نینگ باش کاتبی، بو هجوم توغریسیده تیزلیککه تدقیقات اوتکزیلیشی نی سورهگن.
عین حالده، بیرلشگن ملتلر تشکیلاتی نینگ خوفسیزلیک کینگشی هم اوشبو هجومنی قارهلب و اونینگ قبول قیلینمس دیگن.
امریکا قوشمه ایالتلری تشقی ایشلر وزیرلیگی، یمنده دوام ایته یاتگن زوروانلیک و هجوملرگه نقطه قوییلیشینی طلب قیلیب ایتیشیچه، بو کبی هجوملرنینگ دوام تاپیشی یمن ده انسانی فاجعه گه سبب بولیشی ممکن.
بیزلرنینگ توییترده هم تعقیب قیلینگ!
اوشبو هجوم تلفاتی بارهسیده حاضرگچه ایری گزارشلر ترقهلگن. قیزیل خاچ خلقارا کمیتهسی، اولگن و یرهلنگنلرنی ۱۰۰دن آرتیق اعلان قیلگن. بیراق چیگرهسیز شفاکارلر تشکیلاتی گه کوره، مذکور هجوم قربانیلری نینگ سانی ۸۰ دن آرتیق دیر. بالهلرنی قوتقریش تشکیلاتی، اوشبو واقعهده اوچ باله هلاک ایتیلگنینی تصدیقلهگن.
سعودی عربستان ییتکچیلیگیدهگی ائتلاف میلادی ۲۰۱۵- ییل دن بیری یمن ده حوثیلرگه قرشی کورهشیب کیلماقده. اوشبو اوروشلرده حاضرگچه مینگلرچه کیشی قربان بولیب و میلیونلرچه یمنلیک آواره بولگن.