قندهار ولایتی نینگ ارغنداب تومنیده هوایی کوچلر تامانیدن اویوشتیریلگن هجوم نتیجه‌سیده، بیرعایله نینگ ۱۲ اعضاسی هلاک ایتیلگن.
ایتیلیشیچه، اوشبو هجوم اوتگن “شنبه” کیچه‌سی ارغنداب تومنی نینگ سبز تومنیده صورت تاپگن.
قربان بولگنلرنینگ اقارب‌لریدن بیری عبدالصمد نینگ ایتیشیچه، اوشبو هوایی هجومده ۳ عیال، ۲ ایرکک و ۷ باله هلاک ایتیلگن.
عین‌حالده، ارغنداب تومنیدن کیم‌لیگی سیرقالیش‌نی ایسته‌گن بیر منبع نینگ سلام‌وطندارگه ایتیشیچه، طالبان جنگریلری مذکور اوی نینگ یقینیده توپلنگن بیر حالده، هجوم صورت تاپگن. منبع کوره، بو هجومده اوی تخریب بولیب و بوتون اعضاسی هلاک ایتیلگن.
ارغنداب تومنی یشاوچیلری، بیر اعتراض آرقه‌لی، مذکور جسدلرنی قندهار ولایت مقامی برابریده انتقال بیریش اوچون سعی و حرکت قیلگن، بیراق پولیس رخصت بیرمه‌گن.
قندهار امنیتی و محلی مسوول‌لری حاضرگه‌قدر بوتوغریده فکر بیلدیرمه‌گن.
