بیرلشگن ملتلر تشکیلاتی ترقیاتی دستوری افغانستان بولیمی، مالاریا کسللیگی بیلن قرشی کورهش اوچون بو مملکتده ۲۲۰ مینگدن آرتیق پشهخانهنینگ ترقهتگنینی بیان قیلگن.
مذکور نهادنینگ بوگون (۵-ثور، شنبه)، خلقارا مالاریا کونی مناسبتی بیلن اکس صحیفهسیده یازیشیچه، اوشبو پشهخانهلر افغانستاننینگ تورلی ولایتلریده حاملهدار عیاللر آرهسیده ترقهتیلگن.
بیرلشگن ملتلر تشکیلاتی ترقیاتی دستورینینگ کوپهیتیریشیچه، افغانستان ده مالاریا کسللیگینی بوتونلی اورتهدن کیتگزیشگه متعهد دیر.
بو بیلن بیرگه، خلقارا ساغلیقنی سقلش تشکیلاتیگه کوره، حاضر مالاریانینگ اورتهدن کیتگزیش، بو کسللیککه قرشی واکسین و اونی نظارت قیلیش واسطهلریدن فایدهلنیش آرقهلی ممکن.
اوتگن قویاش ییلی، اسلام امیرلیگی ساغلیقنی سقلش وزیرلیگی، سونگی بیر ییلده افغانستان ده مالاریا گه چلینگنلرنینگ ۱۴ فایزدن کوپراق کمهیگنینی معلوم قیلگن ایدی.
۲۰۰۷-ییلده ۲۵-اپریل، خلقارا ساغلیقنی سقلش تشکیلاتی آرقهلی مالاریا اورتهدن کیتیشی، نظارت بولیشی بوییچه سعیوحرکت و آگاهیلیک کوپهیشی مقصد، خلقارا مالاریا کونی صفتیده ناملنگن.
