افغانی قیزیل آی جمعیتی مسئوللری نینگ ایتیشیچه، اوتگن ۱۴ ییل‌ده اوشبو جمعیت‌ده ثبت بولگن توغمه یوره‌ک کسللیگی گه چلینگن ۲۵ مینگ باله‌دن، ۱۲ مینگ ۵۰۰ باله درمان بولیب و ۱۱ مینگ ۵۰۰ باله ایسه درمان بولیش نی کوتیب تورگن.
افغانی قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه، شونینگدیک قویاش جاری ییل نینگ باش ایکی آیی ده، توغمه یوره‌ک کسللیگی گه چلینگن ایکی مینگدن آرتیق باله اوشبو اداره گه ثبت بولیب و درمان بولیش نی کوتیب تورگن.
بیزلرنینگ توییترده هم تعقیب قیلینگ!
جناب شرف‌زوی نینگ کوپه‌یتیریشیچه: «مملکت بویلب توغمه یوره‌ک کسللیگی گه چلینگنلر سانی کوپ دیر و بو نهادده توغمه یوره‌ک کسللیگی گه چلینگن ۱۱ مینگدن آرتیق باله ثبت بولگن و درمان بولیش نی کوتیب تورگن‌لردن ۱ مینگ ته‌سی جان بیرگن. بو ییل نینگ باش ایکی آیی‌ده ۲ مینگدن آرتیق کیشی ثبت قیلیب و درمان بولیش نی کوتیب تورگن.»
شونده‌ی بیرحالده، توغمه یوره‌ک کسللیگی گه چلینگن باله‌لردن قطاری نینگ عایله‌سی گه کوره، قشاق‌لیک سبب، باله‌لری نی درمان قیله آلمه‌گنلر.
باسط خصوصی کسل‌خانه ده، باله‌سی بستری بولگن کابل یشاوچیسی مینه نینگ ایتیشیچه، افغانی قیزیل آی جمعیتی یاردمی بیلن، باله‌سی درمان آستیده قرار تاپگن.
مینه نینگ کوپه‌یتیریشیچه: «قیزیل آی جعیتی گه کیلدیک و قنچه وقت نوبت نی کوتیب تورگنی‌میزدن کیین، حاضر ایسه باله‌م درمان آستیده قرار تاپگن.»
عین حالده، باسط خصوصی کسل‌خانه‌سی‌ده باله‌سی بستری بولگن کاپیسا یشاوچیسی محمد‌شاه نینگ ایتیشیچه، باله‌سی جراحی عملیات‌دن کیین، وضعیتی یخشی بولگن.
محمد‌شاه نینگ کوپه‌یتیریشیچه: «باله‌م اوچ ییل‌دن بیری توغمه یوره‌ک کسللیگی گه چلینگن و بو نهاد گه کیلیب آتی نی ثبت قیلدیک. حاضر ایسه خدا گه شکر عملیاتی خلاص بولدی و وضعیتی یخشی دیر.»
شونده‌ی بیرحالده، داکترلردن قطاری، اوزاق منطقه‌لرده طبی خذمت‌لردن، حامله عیاللر نینگ فایده‌لنه آلمه‌سلیگی، باله‌لر نینگ توغمه یوره‌ک کسللیگی گه چلینیش اصلی عاملی عنوان قیلگنلر.
بیزلرنینگ فیسبوک صحیفه‌میزگه باش اورینگ!
باسط خصوصی کسل‌خانه‌سی نینگ یوره‌ک جراحی، ببرک سعید‌زاده نینگ ایتیشیچه: «توغمه یوره‌ک کسللیگی نینگ آلدی نی آلیش یولی، افغانستان برچه اوزاق منطقه‌لریده‌گی بوتون اهالی نینگ طبی خذمت‌لردن فایده‌لنیشی کیره‌ک.»
ایتیش کیره‌ک که، افغانی قیزیل آی جمعیتی، اوتگن اون آی‌ده بیر مینگ ۱۰۰دن آرتیق توغمه کسللیگی گه چلینگن باله‌لر نی سکیز دولتی و خصوصی کسل‌خانه‌ده، رایگان شکلده درمان قیلگن.
