کابل شهری‌ده بیش کیشی‌لیک عایله سرپرستی بولمیش غازی، قشاق‌لیکدن نالیب ایتیشیچه، عایله خره‌جتی نی تأمین‌لش اوچون مکتب باریش اورنیده ایشلش گه مجبور بولگن.
غازی نینگ کوپه‌یتیریشیچه: «ایشلمه‌سم عایله‌م آچ قاله‌دی، اوی کرایه‌سی قاله‌دی. ایشلمه‌سم اوزیم شامل آته‌م، کیچیک ایناغه‌لریم، آنه‌م و سینگیل‌لریم آچ قاله‌دیلر.»
بیزلرنینگ «ایکس» ترماغی ده هم تعقیب قیلینگ!
کابل شهری‌ده قول اوستیده سودا ساته‌دیگن باله‌لردن باشقه بیری منصور نینگ ایتیشیچه، عایله خره‌جتی نی تأمین‌لش اوچون، مکتب نی ترک قیلگن. او، اسلام امیرلیگی سرپرست حکومتی‌دن اونگه تعلیم زمینه‌سی یره‌تیلیشی نی ایسته‌گن.
منصور نینگ کوپه‌یتیریشلریچه: «اسلام امیرلیگی حکومتی‌دن مینی مکتب گه شامل قیلیشلری نی ایسته‌یمن.»
عین حالده، ایش و اجتماعی ایشلر وزیرلیگی مسئوللری باله‌لر ایشلشی نینگ تقیق‌لنیشی گه اورغولب ایتیشیچه، مملکتده باله‌لر ایشلشی تقیق‌لنگن و باله‌لر نینگ دستلبکی خذمت‌لر گه قول تاپیشلری اوچون سعی و حرکت‌لر نینگ دوامی بار.
ایش و اجتماعی ایشلر وزیرلیگی سوزلاوچیسی سمیع‌الله ابراهیمی نینگ ایتیشیچه، اوشبو وزیرلیک اوتگن توقیز آی‌ده ۵۰ مینگ بالهدن حمایت قیلگن.
اونینگ کوپه‌یتیریشیچه: «۱۰ مینگ باله نی۲۴۰ ییتیم‌خانه‌ده سقله‌یمیز و اوتگن توقیز آی‌ده ۵۰ مینگ بالهدن حمایت قیلگن و شونینگدیک باله‌لردن بیر قطاری گه مسلک اورگنیش زمینه‌سی نی هم یره‌ته‌میز.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، باله‌لر حقوقی فعالی فروزان داوودزی نینگ ایتیشیچه: «باله‌لر گه بیریلیشی نیاز بولگن اوشه اندازه بیریلمه‌گن. افغانستان ده باله‌لر وضعیتی یخشی ایمس و اونینگ سببی ایسه، خلق‌ارا نهاد‌لر گه چیکلاو‌لر یره‌تیلگنی، عیال ایشلاوچیلر کم‌لیگی و زیان کوره‌دیگن ساحه‌لر گه اولر نینگ ییتیشه‌آلمه‌سلیگی دیر.»
ایتیش کیره‌‌ک که، ینگی‌لیکده بیرلشگن ملت‌لر تشکیلاتی نینگ ایتیشیچه، افغانستان ده اوروشلر کمه‌یگنی بیلن، بیراق اوشبو مملکتده حاضرگچه باله‌لر جدی شکلده زیان کوره‌دیگن وضعیت‌ده حیات کیچیرماقده.
