خلقارا ساغلیقنی سقلش تشکیلاتینینگ اعلام قیلیشیچه، ییلده ۳۰۰ مینگدن آرتیق کیشی دینگیزلر، دریاچهلر، قودوقلر، سوو ذخیرهلری و حوضلرگه چوکیب و هلاک بولهدی.
مذکور تشکیلات، بوگون (۳-اسد/۲۵-جولای، شنبه)، خلقارا سووگه چوکیشنینگ آلدینی آلیش کونی مناسبتی بیلن اوز وبسایتیده یازیشیچه، دنیا بویلب سووگه چوککن قربانلردن، تورتدن بیرینینگ بیش یاشنی تولدیرمهگن بالهلر تشکیل بیرهدی.
خلقارا ساغلیقنی سقلش تشکیلاتیگه کوره، چوکیب کیتیش طفیلی اولیمدن ۹۰ دن آرتیق فایزی آز و اورته درآمدگه ایگه مملکتلرده یوز بیرهدی.
اوشبو تشکیلاتنینگ کوپهیتیریشیچه، بالهلر سووگه چوکیشی آلدی آلینیشی اوچون کتهلرنینگ نظارت قیلیشی ضرور دیر. خلقارا ساغلیقنی سقلش تشکیلاتینینگ اورغولشیچه، کیلهسی توقیز ییلگچه چوکیب کیتیش واقعهلرینینگ ۳۵ فایز کمهیشی اوچون برچهنینگ حصه قوشیشی کیرهک.
۲۰۲۱-ییلده ۲۵-جولای، بیرلشگن ملتلر تشکیلاتینینگ عمومی مجمعسی آرقهلی سووگه چوکیشنینگ آلدی آلینیشی اوچون قوتقروو ییچیم یوللرینی کورسهتیش و آگاهیلیکنی آشیریش مقصد، خلقارا سووگه چوکیشنینگ آلدینی آلیش کونی صفتیده ناملنگن.
