فاریاب ولایتی کسلخانهسیده مسئوللر‌نینگ ایتیشلریچه، اوشبو ولایت‌ده باله‌لر آره‌سیده قیزه‌میق کسل‌لیگی‌گه چیلینیشی اوتگن ییل‌گه قره‌گنده ایکی برابر کوپه‌یگن.
فاریاب ولایتی کسل‌خانه‌سی‌نینگ باله‌لر بوییچه ایچکی کسل‌لیکلر بولیمی مسئولی اسد‌الله تانش‌گه کوره، جاری قویاش ییل‌نینگ باش آیی‌ده ۳۴۸ باله‌نینگ قیزه‌میققه چلینگنی ثبت بولگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوتگن ییل بو موسوم‌ده اوشبو کسللیککه ۲۰-۲۵ کسل ثبت بولگن ایدی؛ لیکن حاضر ۱۰۰ بستر‌دن ۳۸ ته‌سی باله‌لر گه دیر که مذکور ۳۸ بستر‌نی قیزه‌میققه چلینگن باله‌لر تشکیل بیره‌دی؛ قیزه‌میق کنترول بولمه‌گن بیر کسللیککه اوزگرگن.»
باشقه بیرتاماندن، باله‌لری قیزه‌میققه چلینگن عایله‌لردن قطاری‌نینگ ایتیشلریچه، قیزه‌میققه قرشی ایملنمسلیک، ایچیم‌لیک سوو و ساغلیق خذمت‌لردن فایده‌لنه آلمسلیک، باله‌لر‌نینگ مذکور کسللیککه چلینیشی‌گه سبب بولگن.
فاریاب ولایتی قیصار تومنی یشاوچیسی بولمیش مریم‌نینگ ایتیشیچه، باله‌لر قیزه‌میققه قرشی ایملنمه‌ی و حاضر ایسه بو کسللیککه چلینگنلر. «قیزه‌میققه چلینگنی‌دن تورت کون بوله‌دی. اونینگ ساغه‌یشی توغریسیده هیچ امیدیمیز یوق ایدی؛ حاضر وضعیتی یخشی‌راق بولگن.»
ییتی آی‌لیک باله‌سی قیزه‌میققه چلینگن پریسا‌نینگ ایتیشیچه: «باله‌م‌نینگ قیزه‌میققه چلینگنی‌دن ایکی کون بوله‌دی؛ بو ییرگه آلیب کیلگنیم‌ده شفاکارلر تلاش قیلدیرلر و اونگه دارو بیردیلر؛ حاضر وضعیتی یخشی دیر.»
فاریاب ولایتی کسلخانهسیده باله‌سی بستری بولگن اوشبو ولایت‌نینگ اوزاق تومن‌لری یشاوچیلری‌دن نصیب‌الله‌نینگ ایتیشیچه: «باله‌م قیزه‌میق چیقرگن؛ اوچ کون‌دن بیری کسل‌خانه‌ده بستری بولگن؛ باله‌م قیزه‌میققه قرشی ایملنمه‌گن و انه شوو سبب، بو کسللیککه چلینگن.»
بو بیلن بیرگه، فاریاب ولایتی کسلخانهسیده دارو، بستر و دوالنیش امکانیت‌لر کم‌لیگی، کسل‌لرگه دوالنیش خذمتلر کورسه‌تیلیشی‌نی قیین‌چیلیک بیلن روپه‌ره قیلگن.
بیزلرنینگ «ایکس» ترماغی ده هم تعقیب قیلینگ!
فاریاب ولایتی کسل‌خانه‌سی باش‌شفاکاری محمدابراهیم کریمی‌نینگ ایتیشیچه، مذکور کسل‌خانه ۱۰۰ اورین‌لی بولیب و کسل‌لر اوچون ییترلی ایمس. اونینگ کوپه‌یتیریشیچه: «مذکور ولایت‌ده ۱۰۰ اورین کسل‌خانه ییترلی ایمس؛ دارو و آزیق-آوقت امکانیتی ۱۰۰ اورین‌اوچون تنظیم‌لنگن که کونده یالغیز باله‌لر بولیمی‌ده ۱۰۰دن آرتیق بستری‌میز بار.»
شفاکارلر قیزه‌میق‌نی ویروسی بیر کسل‌لیک دیب و ایتیشلریچه اونینگ آلدی آلینیشی اوچون واکسین تطبیق بولیشی‌نی یخشی بیر یول دیر. ینگی‌لیکده بیرلشگن ملتلر تشکیلاتی باله‌لرنی قوللب-قوتلاوچی صندیغی افغانستان بولیمی (یونیسف)، ۲۰۲۴-ییل‌ده ایکی میلیون‌دن آرتیق باله‌نینگ قیزه‌میققه قرشی ایملنگنی‌نی معلوم قیلگن.
