بدخشان ولایتی‌نینگ راغستان تومنی‌ده قیزه‌میق کوپه‌یشی بیلن بیرگه، اوشبو تومن یشاوچیلری‌دن و مذکور کسللیککه چلینیش طفیلی ابه‌سی‌نینگ کیچیک اوغلی‌نی قولدن بیرگن علی‌رضا‌نینگ سلام‌وطندار گه ایتیشیچه، دوالنیش مرکزلر یوقلیگی و دارو کم‌لیگی، اوشبو باله‌نینگ اولیمی‌گه سبب بولگن. راغستان تومنی‌نینگ مذکور یشاوچیسی‌گه کوره، اوتگن اوچ آی‌ده بیریلگن گزارشلر بیلن، بیراق بو تومن‌ده اولر‌نینگ وضعیتی‌گه هیچ قنده‌ی جدی توجه قره‌تیلمه‌گن.
اونینگ ایتیشیچه: «اولر ابه‌م‌نینگ اوغلی‌نی دوالش اوچون امکانیت‌لری یوق ایدی. یول کوپ اوزاق ایدی، بو ییرده درست بیر ساغلیق مرکز یوق ایدی که ابه‌م‌نینگ اوغلی‌نی آلیب بارسک. یالغیز قیزه‌میق ایمس، باشقه کسل‌لیک‌لر طفیلی هم کسل‌لر جان بیره‌دی. بو ییرده درست بیر کلینیک یا-ده کسل‌خانه یوق، اصلا بیر کسل‌خانه یوق، کلینیک هم یوق.»
بیزلرنینگ «ایکس» ترماغی ده هم تعقیب قیلینگ!
راغستان تومنی یشاوچیلری‌دن روح‌الله روحانی و فیضاللهنینگ ایتیشلریچه، جهازلنگن دوالنیش مرکز یوقلیگی و ساغلق خذمتلردن آزراق فایده‌لنیش، باله‌لر آره‌سیده مذکور کسل‌لیک‌نینگ کوپه‌یشی‌گه سبب بولگن. اولر خواطر بیلدیریب و کوپه‌یتیریشلریچه، مسئول نهاد‌لر تیزلیک بیلن اوشبو تومن یشاوچیلری‌نینگ ساغلیق وضعیتی توغریسیده بویوک بیر قیین‌چیلیک یوز بیرمسدن آلدین، جدی و عملی توجه قره‌تیشلری کیره‌ک.
روح‌الله روحانی‌نینگ ایتیشیچه: «دولت‌دن ساحه گه ساغلیق تیم‌لر‌نینگ یوباریشلری‌نی ایسته‌یمیز که بو رقم قیشلاق‌لر و اوزاق بولیم‌لرگه باریب و اهالی قیین‌چیلیگی‌نی حل قیلسه‌لر. مذکور کسل‌لیک طفیلی بو منطقه‌لرده بویوک بیر فاجعه یوزمه‌سین.»
شونینگدیک فیضاللهنینگ ایتیشیچه: «بو ییرده بولگن انه شوو کسل‌لیک یا-ده قیزه‌میق ویروسی، کوپه‌یگن و کوپراق اوشبو تومن‌ده‌گی یشاوچیلر آره‌سیده ترقه‌لگن و شونینگدیک نیچه کیشی گه بو ویروس تاثیر هم قیلگن که نیچه آی آلدین ۹ آی‌لیک بیر باله اوشبو ویروس طفیلی جان بیرگن و شونینگدیک اوزیم‌نینگ ضیا اسملی ۷ یاشر کیچیک بیر ایناغه‌م قیغو بیلن بو کسللیککه چلینگن.»
شونده‌ی بیرحالده، بدخشان ساغلیق‌نی سقلش ریاستی یوقمه کسل‌لیکلرنی کنترول قیلیش بوییچه مسئولی عادل عالم‌یار‌نینگ ایتیشیچه، قیزه‌میق ۱۴۰۳-ییل ۲۵-جدی‌دن ترقه‌لگن. اونینگ کوپه‌یتیریشیچه، راغستان تومنی‌ده اوشبو کسل‌لیک‌نینگ ترقه‌لیشی سببی، محل یشاوچیلر تامانیدن باله‌لر‌نینگ بو کسللیککه قرشی ایملنمسلیگی دیر.
بیزلرنینگ فیسبوک صحیفه‌میزگه باش اورینگ!
عالم‌یار‌نینگ کوپه‌یتیریشیچه: «قیزه‌میق کوپراق ترقه‌لگن راغستان و باشقه بیر قطار تومن‌لر، حاضر الحمد‌الله کنترول آستیده دیر. ساغلیق تیم‌لریمیز بو کسللیککه چلینگنلرنی دوالش مقصد وقتی‌ده ساحه گه بارگنلر. زیان کورگن ساحه‌لرگه ساغلیق‌نی سقلش ریاستی، تطبیق قیلووچی اداره و باشقه بیر قطار همکار موسسه‌لر تامانیدن دارو یوباریلگن. الحمد‌الله حاضر راغستان ده قیزه‌میق وضعیتی کنترول آستیده دیر.»
ایتیش کیره‌ک که، قیزه‌میق هر ییل قیش و بهار موسوم‌لری‌ده بدخشان یشاوچیلری‌دن قربان‌لیک آلیب و بو کسل‌لیک قربانی‌لری‌دن کوپینچه‌سینی کیچیک باله‌لر تشکیل بیره‌دی.
