دایکندی رسمی‌لری، اوشبو ولایت نینگ شهرستان تومنیده بیر موتر قولشی عاقبتیده بیر عیال شامل ایکی کیشی هلاک بولیب و باشقه سکیز کیشی یره‌لنگنیدن خبر بیرگنلر.
دایکندی امنیه قوماندان‌لیگی نینگ مطبوعاتی دفتری بیر بیانیه ترقه‌تیب ایتیشیچه، بوگون (دوشنبه، ۷ حمل) مذکور ولایت نینگ شهرستان تومنی «غاسور» قیشلاغیده «تونس» رسوملی بیر موتر قولشی باعث، بیر عیال شامل ایکی کیشی هلاک بولیب و باشقه سکیز کیشی یره‌لنگن.
بیزلرنینگ فیسبوک صحیفه‌میزگه باش اورینگ!
بیانیه اساسیده، واقعه طفیلی یره‌لنگنلر تورت ایرکک، اوچ باله و بیر عیال شامل بیر عایله اعضالری بولیب و دایکندی ولایتی شهرستان تومنی مرکزی یشاوچیلری دیر که محل اهالیسی تامانیدن، اوشبو تومن مرکزی کسلخانه‌سیگه انتقال بیریلگنلر.
شونینگدیک، بدخشان ده‌گی محلی بیر منبع، اوشبو ولایت نینگ تگاب تومنیده «پاسو» رسوملی بیر موتر قولشی عاقبتیده بیر باله قربان بولیب و باشقه بیر کیشی یره‌لنیدن خبر بیره‌دی.
بیزلرنینگ توییترده هم تعقیب قیلینگ!
مذکور منبع گه کوره، اوشبو واقعه یک‌شنبه کونی، ۶ حمل، بدخشان ولایتی تگاب تومنی «شهیدکان» قیشلاغیده یوز بیرگن.
ایتیش کیره‌ک که، مملکت نینگ قطار ولایت‌لریده سرک‌لر بوزوق‌لیگی، هیداوچیلر نینگ دقت‌سیزلیگی باعث، انده_سنده ترافیکی حادثه یوز بیریب و یشاوچیلردن قربان‌لیک آله‌دی.
