قیشلاق‌لرنی رواجلنتیریش و قیته قوریش وزیرلیگی مسئوللری، ۴-دلو، چهارشنبه کونی) حکومت ییتکیرمه‌لر مرکزی ده یولگه قوییلگن مطبوعاتی ییغیلیش ده، نیمروز ولایتی خاشرود تومنیده ایکی میلیارد افغانی‌لیک بیر سوو توغانی قوریلیشی، بادغیس ولایتی قادس تومنیده ۱۲ میلیون دالرلیک بیر سوو توغانی و بادغیس مرکزی قلعه‌ی نو ده ۳۲۶ میلیون افغانی‌لیک بیر سوو ییتکیزیش پروژه که ۸۰ فایز ایشی یکونلنگن عملگه آشیریلیشیدن خبر بیرگن.
مذکور وزیرلیک، بدخشان ولایتی واخان تومنیدن چین چیگره‌سی گه قدر سرک نی توزه‌تیش که ۸۰ فایز ایشی یکولنگن و شونینگدیک قندهار اسپین‌بولدک تومنیده ۵.۲ کیلومتر استنادی دیوار قوریلیش ایشی دوام ایتماقده‌لیگینی بیلدیرگن.
بیزلرنینگ فیسبوک صحیفه‌میزگه باش اورینگ!
قیشلاق‌لرنی رواجلنتیریش و قیته قوریش وزیرلیگی مسئوللری، مذکور پروژه‌لر ارا بدخشان واخان تومنیده افغانستان نی چین گه باغله‌یدیگن سرک قوریلیشینی بو وزیرلیک نینگ مهم پروژه‌لریدن عنوان قیلگن.
اوشبو ییغیلیش ده قیشلاق‌لرنی رواجلنتیریش و قیته قوریش وزیرلیگی سرپرستی محمدیونس آخوندزاده گه کوره: «قیشلاق‌لرنی رواجلنتیریش وزیرلیگی چین چیگره‌سی گه قدر بو یول نی قوریش گه قرارلی دیر و انشاءالله بو یول کیله‌سی نیچه آی ایچیده قوریلیب و یولاوچیلر بو یول آرقه‌لی باریب-کیلیش‌لری ممکن.»
قیشلاق‌لرنی رواجلنتیریش و قیته قوریش وزیرلیگی مسئوللری نینگ ایتیشلریچه، مذکور وزیرلیک نینگ بودجه‌سی و امکانیتی آزلیگی بیلن مملکت بویلب ترقیاتی پروژه‌لر نی عملگه آشیریش گه قرارلی دیر.
بیزلرنینگ «ایکس» ترماغی ده هم تعقیب قیلینگ!
بو وزیرلیک مسئوللری نینگ کوپه‌یتیریشلریچه، یقینده مملکت نینگ ۱۳ ولایتیده ترقیاتی پروژه‌لر دن بیرقطاری نینگ ایشی یکونلنیب و فایده‌لنیشگه تاپشیریلیشی ممکن.
قیشلاق‌لرنی رواجلنتیریش و قیته قوریش وزیرلیگی دفتر باشلیغی میرزامحمد شکیب نینگ ایتیشیچه: «سونگی ییل‌لرده‌گی قورغاقچیلیکّه قرشی کوره‌ش و سوولرنی باشقریش اوچون مملکت بویلب ۱۴۲ چکدم قوریله‌دی و هر بیر تومنده بیر چکدم قوریلیش گه قرار قیلینگن.»
ایتیش کیره‌ک، حاضرگی کونده مملکت ده ترقیاتی پروژه‌لر دن کوپینچه‌سی جمله دن شهروندلیک میثاقی قیشلاق‌لرنی رواجلنتیریش و قیته قوریش وزیرلیگی تامانیدن تطبیق ایتیله‌دی، بودجه‌سی حمایتچیلری تامانیدن تولنمسلیگی باعث ایشی توخته‌گن.
