بغلان اقتصاد ریاست مسئوللری نینگ ایتیش‌لریچه، اسلام امیرلیگی نینگ قدرت گه ایریشگنیدن کیین، اوشبو ولایت‌ده سکسان‌‌دن آرتیق کیچیک و بویوک ترقیاتی پروژه توخته‌گن دیر.
بغلان اقتصاد ریاست رئیسی عبدالمتین آخوندزاده نینگ ایتیشیچه، حاضر اوشبو ولایت‌ده سرک‌لر، بیلیم یورت‌لر و مسجد‌لر نینگ قیته قوریلیشی بولیمی‌ده ۸۵ پروژه ایشی توخته‌گن.
بیزلرنینگ توییترده هم تعقیب قیلینگ!
جناب آخوندزاده نینگ کوپه‌یتیریشیچه: «دنیا بانکی تامانیدن پول نینگ بند بولگنی، بغلان ولایتیده قریب ۸۵ پروژه توخته‌گنی گه سبب بولگن. شونینگدیک قریب ۸۵ بویوک پروژه کابل-دوشی سرکی، بغلان ولایتیده بیلیم یورت، بیلیم یورت اوچون لیلیه، پلخمری شهریده بویوک بیر مسجد توزه‌تیش کبی باشقه پروژه‌لر ایشی هم یریم قالگن.»
شونده‌ی بیرحالده، بغلان ده اقتصادی مسئله‌لر بیلرمان‌لریدن قطاری نینگ ایتیش‌لریچه، ترقیاتی و آستقورمه پروژه‌لر ایشی توخته‌گنی، ترقیات پروسه‌سی گه زیان ییتکزیشی یانیده، شونینگدیک قشاق‌لیک کوپه‌یشی گه هم سبب بوله‌دی.
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمانی رفیع محمدی نینگ سلام‌وطندار گه ایتیشیچه: «اوشبو بولیم‌لرده بیر قطار کیشی نینگ ایش گه آلینیشی گه سبب بوله‌دیگن ترقیاتی و آستقورمه پروژه‌لر، عایله‌لر اقتصادی نینگ یخشی‌لنیشی گه سبب بوله‌دی. مذکور پروژه‌لر نینگ قیته باشلنگنی صورت‌ده، عایله‌لر اوچون فایده‌لی بولیشی ممکن.»
ایتیش کیره‌ک که، اسلام امیرلیگی نینگ قدرت گه ایریشگنیدن کیین، دنیا نینگ یاردم‌لریدن کوپ قطاری خصوصا افغانستان گه ترقیاتی-آستقورمه بولیم‌لریده توخته‌گن که، مملکت ترقیاتی پروژه‌لریدن کوپ قطاری نینگ ایشی یریم قالیشی گه سبب بولگن دیر.
