افغانستان ده قیزه‌میققه چیلنگنلر سانی کوپه‌یگنی خصوصیده خلق‌ارا ساغلیق‌نی سقلش تشکیلاتی نینگ خواطری بیلن بیرگه، صحت طفل کسل‌خانه‌سیده‌گی شفاکارلر نینگ ایتیشلریچه، قیزه‌میققه قرشی ایملش خصوصیده عایله‌لر نینگ توجه‌سیزلیگی سبب، سونگی بیر یریم آی جریانیده بو کسل‌لیککه چلینگن باله‌لر سانی ۷۰ فایز کوپه‌یگن.
صحت طفل کسلخانهسی نینگ یوقمه کسللیکلر بولیمی مسئولی محب‌الله حبیبی نینگ سلام‌وطندار گه ایتیشیچه، دلو آیی نینگ یریمی‌دن حاضرگچه اوشبو کسل‌خانه‌ده ۵۰۰ گه یقین قیزه‌میققه چلینگن باله ثبت بولیب و اولر ارا، ۵ باله جان بیرگن.
بیزلرنینگ فیسبوک صحیفه‌میزگه باش اورینگ!
جناب حبیبی نینگ کوپه‌یتیریشیچه: «قریب ایکی آی بوله‌دی که قیزه‌میققه چلینگن باله‌لر سانی ۷۰ فایز کوپه‌یگن. بوندن آلدین کونده ۶-۷ کیشی مراجعت قیله‌ر ایدی، حاضر ایسه ۱۲-۱۵ کسل کونده بستر بوله‌دی. انه شوو حوت آیی‌ده ۲۸۰ کسل مراجعت قیلگن و کسل‌لر سانی ایکی برابر کوپه‌یگن. هر بیر چپرکت‌ده ۳-۴ کسل بار و قریب ایکی آی‌ده ۴۷۷ نمونه ایجابی بولیب و ۵ اولیم واقعه‌میز هم بار ایدی.»
شونده‌ی بیرحالده، خلق‌ارا ساغلیق‌نی سقلش تشکیلاتی، دوشنبه کونی افغانستان ده قیزه‌میققه چلینگن باله‌لر سانی کوه‌یگنی خصوصیده بیر بیانیه ترقه‌تیش بیلن آگاه‌لنتیریب و عایله‌لردن باله‌لری نینگ وقتی‌ده قیزه‌میققه قرشی ایملنیلیشی نی ایسته‌گن.
باله‌لری قیزه‌میق کسل‌لیگی گه چلینگن عایله‌لردن قطاری نینگ ایتیشلریچه، امکانیت یوقلیگی، معلومات‌سیزلیک یا-ده غفلت سبب، باله‌لری نینگ قیزه‌میققه قرشی ایملمه‌گنلر.
۲ یاشر باله‌سی قیزه‌میققه چلینگن سونیا نینگ سلام‌وطندارگه ایتیشیچه: «۵-۶ کون‌دن بیری شو رقم، کوپ قیتره‌دی و هیچ نرسه ایمه‌یدی. واکسین قیلمه‌گن ایدیک، پاکستان کیتگن ایدیک و بونی واکسینی قالدی. شونینگدیک سینه‌بغل هم دیر.»
شونینگدیک ۷ آی‌لیک باله‌سی قیزه‌میققه چلینگن مستوره نینگ ایتیشیچه: «باله‌م ۷ آی‌لیک دیر و ۴ کون بوله‌دی که کیلگن‌میز، واکسین بولمه‌گن دیر. ایسیتمه و ایچ‌کیتمه‌سی بار و یوره‌گی بوزیله‌دی.»
شونده‌ی بیرحالده، قیزه‌میققه چیلنگن باله‌سی نینگ دوالنیشی اوچون بامیان دن کابل گه کیلگن شریفه نینگ ایتیشیچه، بامیان کسل‌خانه‌سیده باله‌سی نینگ دوالنیشی اوچون امکانیت یوق ایدی. «کسل بولگنی‌دن ۲۰ کون بوله‌دی. بامیان دن بستر ایدی و ساغه‌یمه‌دی. قلبی کسل‌لیگی بار، کابل گه آلیب بارینگ دیدیلر. قیزه‌میققه قرشی ایمله‌نمه‌گن و بیران قیین‌‌چیلیگ بولمه‌سین دیدیک. هم سینه‌بغل، هم کوپ بخار و ایسیتمه‌سی بار.»
بیزلرنینگ «ایکس» ترماغی ده هم تعقیب قیلینگ!
شفاکارلر سینه‌بغل، آغیز نینگ پیشیشی و باله نینگ وجودی گه قیزیل دانه‌لر چیقیشی نی، قیزه‌میق کسل‌لیگی علامت‌لریدن عنوان قیلگنلر.
ایتیش کیره‌ک که، بو کسل‌لیک آلدین آلینیشی اوچون شفاکارلر، باله‌لر نینگ وقتی‌ده واکسین بولینیشی، درست آوقت‌لنیشی، نظافت نینگ رعایت قیلینیشی و باله‌لر نینگ گوجوم‌لیک ییرلر گه آلیب باریلمه‌سلیگی نی توصیه قیلگنلر.
