ننگرهار ساغلیق مسئله‌لری بوییچه ایش بیلرمان‌لر، مذکور ولایت‌ده کیچیک باله‌لر آره‌سیده قیزه‌میق کسل‌لیگی ترقه‌لگنی‌دن خواطر بیلدیرگنلر. ننگرهار ده انتانی کسل‌خانه‌‌سی متخصصی سید‌محمد محمدی نینگ ایتیشیچه، اوتگن بیر ییل‌ده قزه‌میققه چلینگن ۹۶۰ کسل، اوشبو کسل‌خانه گه دوالنیش اوچون کیلتیریلگن و اولر ارا، ۱۹ باله ایسه جان بیرگن.
محمدی قیزه‌میق نی اولدیره‌دیگن بیر کسل‌لیک عنوان قیلیب کوپه‌یتیریشیچه، ننگرهار ده مذکور کسل‌لیک نینگ ترقه‌لیشی آلدی آلینمه‌گنی صورت‌ده، باله‌لردن کوپینچه‌سی نینگ حیاتی خوف بیلن روپه‌ره بولیشی ممکن. اونینگ کوپه‌یتیریشیچه: «بیز بو ییرده بیر ییل ایچیده ۹۶۰ کیشی‌نی بستر قیلدیک، بولر جمله‌سیدن ۸۰۸ کیشی ساغه‌یدی، ۱۹ باله جان بیردی و ینه ۱۶ کسل‌نی وضعیتی ایسه آغیرراق.»
بیزلرنینگ فیسبوک صحیفه‌میزگه باش اورینگ!
ننگرهار ساغلیق‌نی سقلش ریاستی مطبوعات بولیمی مسئولی نقیب‌الله رحیمی نینگ ایتیشیچه، اوشبو ریاست قیزه‌میق کسل‌لیگی ترقه‌لیشی نینگ آلدی آلینیشی اوچون، اوی‌مه-اوی واکسین نینگ باشلنیشی نی نظرگه آلگن. «بیزنی قیزه‌میق و باشقه یوقمه کسل‌لیکلر اوچون یخشی امکانیت‌لر و جهازلرگه ایگه بولگن کسلخانه‌میز بار، برچه کلینیک‌لریمیزده ییترلیچه دارو همده واکسین موجود دیر، اوتگن هفته جریانیده هم ننگرهار بویلب بوتون تومن‌لرگه واکسین کمپاین‌نی باشله‌دیک.»
ننگرهار ده باله‌لری قیزه‌میق کسل‌لیگی گه چلینگن عایله‌لردن قطاری، مذکور ولایت ساغلیق بولیمی مسئوللریدن، اوشبو کسل‌لیک ترقه‌لیشی قیین‌چیلیگی حل بولینیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
ننگرهار ولایتی کوت تومنی یشاوچیسی و دوالنیشی اوچون جینی نینگ انتانی کسل‌خانه‌سیگه کیلتیرگن عتیق‌الله گه کوره، قیزه‌میق کسل‌لیگی گه چلینیشی کوپه‌یگن و بو توغریده سرپرست حکومت نینگ حل یول تاپیشی کیره‌ک. اونینگ کوپه‌یتیریشیچه: «بو کسل‌لیک کوپلب تومن‌لرده کوپه‌یگن و اوشبو تومن‌لر اهالیسی کسل‌لرینی بو ییر گه آلیب کیله‌دیلر اولر کوپ اذیت چیکه‌دیلر. اسلام امیرلیگی‌دن بو کسل‌لیککه قرشی ایم‌لنیشی جریانینی عملگه آشیریشینی خواهله‌یمیز.»
ساغلیق مسئله‌لری بوییچه ایش بیلرمان‌لر گه کوره، باله‌لرده ریزش، ایسیتمه، اشتها نینگ کمه‌یشی و یوتل، قیزه‌میق کسل‌لیگی گه چلینیش نشانه‌لریدن دیر. اولر نینگ کوپه‌یتیریشلریچه، قیزه‌میق کسل‌لیگی گه چلینگنلر وجودی نینگ مقاومتی یوقاری کیتیشی اوچون، اولر گه سویوق نرسه‌لر بیریلیشی و شونینگدیک ایسیق سقلنیشی کیره‌ک.
