لغمان محلی مسئوللری نینگ ایتیشلریچه، اوتگن کیچه و بوگون ایرتنگ چاغی اوشبو ولایت مرکزی مهترلام شهری نینگ بیر قطار بولیملری و الیشنگ، قرغهیی و بادپخ تومنلریده یاغگن شدتلی یامغیرلر سبب، سوو تاشقین یوز بیرگن دیر.
مسئوللر نینگ کوپهیتیریشلریچه، مذکور منطقهلرده یوز بیرگن سوو تاشقینلر نتیجهسیده، ۳ کیشی هلاک و ۱۵ کیشی ایسه یرهلنگن. مسئوللر گه کوره، لغمان ده یوز بیرگن سوو تاشقین اونلب جریب ییر و اونلب یشش اوی نی تخریب قیلیب و شونینگدیک اهالی گه کوپینچه مالی زیان ییتیشتیرگن.
بیزلرنینگ فیسبوک صحیفهمیزگه باش اورینگ!
ایتیلیشچه، تلفات رقمی و مالی زیانلر نینگ کوپهیشی ممکن.
شونینگدیک ننگرهار ولایتی منطقهلریدن قطاریده یوز بیرگن سوو تاشقین سبب، اهالی گه کوپینچه مالی زیان ییتیشگن. ننگرهار ده یوز بیرگن سوو تاشقین تلفاتی خصوصیده حاضرگچه بیللی بیر گزارش قولگه کیلمهگن.
بیزلرنینگ توییترده هم تعقیب قیلینگ!
شوندهی بیرحالده، افغانستان هواشناسلیک ریاستی پنجشنبه کونی ۲۷-اسد، بیر اعلامیه ترقهتیش بیلن ۲۸- و ۲۹-اسدده نورستان، کنر، لغمان و ننگرهار شامل مملکت نینگ ۲۵ ولایتیده شدتلی یامغیر و سوو تاشقینی یوز بیریشی خصوصیده آگاهلنتیرگن ایدی.