پروان محلی مسئوللری نینگ ایتیشلریچه، اوتگن کون اوشبو ولایتده یوز بیرگن سوو تاشقینی عاقبتیده ۲۹ کیشی هلاک بولیب و باشقه ۹۲ کیشی ایسه یره‌لنگن.
پروان طبیعی آفت‌لرنی باشقریش باشلیغی عبدالعلیم احمد نینگ سلام‌وطندار گه ایتیشیچه، اولر نینگ معلوماتی اساسیده، سیاه‌گرد و شینواری تومن‌لریده سوو تاشقینی نتیجه‌سیده ۲۹ کیشی هلاک بولیب و ۹۲ کیشی یره‌لنگن و شونینگدیک ۳۰ کیشی لادرک بولگنلر.
بیزلرنینگ فیسبوک صحیفه‌میزگه باش اورینگ!
جناب احمد نینگ کوپه‌یتیریشیچه، پروان_بامیان قتناو یولی ترافیک یوزیگه آچیلگن دیر. مذکور یول (یک‌شنبه، ۲۳ اسد) سوو تاشقینی باعث ترافیک یوزی گه یاپیلگن ایدی.
پروان طبیعی آفت‌لرنی باشقریش باشلیغی گه کوره، ایکیله تومن ده تخمیناً ۸۵ یشش اوی، قریب ۱۰۰ کیلومتر قتناو یول، ۱۰۰۰ دن آرتیق ایکینچیلیک ییر و اونلب کانال بوزیلیب و قریبب ۵۰۰ چاروا تلف بولگن.
اونگه کوره، پروان طبیعی آفت‌لرنی باشقریش ریاستی و یاردم بیرووچی موسسه‌لر تامانیدن زیان کورگنلرنی تیکشییریش جریانی باشلنگن، لیکن نهایی بولمه‌گن.
بیزلرنینگ توییترده هم تعقیب قیلینگ!
عین‌حالده، اوتگن کیچه باختر دولت آژانسی پروان محلی رسمی‌لریدن نقل قیلیب یازیشیچه، اوشبو ولایت نینیگ سیاه‌گرد و شینواری تومن‌لری بولیم‌لریده دهشتلی سوو تاشقینی باعث، چمه‌سی ۳۱ کیشی قربان بولیب و باشقه ۱۷ کیشی یره‌لنگن.
